Qazaqstandyqtar jarııa etý shottaryna 859,1 mlrd. teńgeden astam soma engizdi - QR Ulttyq Banki
ASTANA. QazAqparat - Aǵymdaǵy jylǵy 25 mamyrda qazaqstandyqtar jarııa etý maqsattaryna arnalǵan shottarǵa 859,1 mlrd. teńgeden astam somany engizdi, - dep habarlady QR Ulttyq Bankiniń baspasóz qyzmeti.
Salystyrmaly túrde aǵymdaǵy jylǵy 1 mamyrda qarjy retteýshisiniń derekteri boıynsha bank shottaryna 594, 9 mlrd. teńge salyndy.
Ulttyq Bankte habarlaǵandaı, 2014 jylǵy 1 qyrkúıekten bastap, 2016 jylǵy 25 mamyr aralyǵyndaǵy jarııa etý naýqanynyń barlyq kezeńi ishinde bankter 1209 bank shottaryn ashty. Salynǵan aqsha men ashylǵan shottardyń sany boıynsha burynǵysynsha Almaty q., Astana q., Atyraý, Qaraǵandy, Ońtústik Qazaqstan jáne Atyraý oblystary kóshbasshy bolyp keledi.
Ulttyq Bank naqtylaǵandaı, jarııa etý naýqany qarqyndarynyń jedeldetilýi jarııa etý rásimderiniń jeńildetilýine, atap aıtqanda, bes jyl ishinde aqshany saqtaý jáne alymnyń 10%-yn tóleý boıynsha talaptardyń joıylýyna, sondaı-aq azamattar úshin konfıdentsıaldylyq pen qaýipsizdiktiń qosymsha kepildikteriniń engizilýine baılanysty.
Sonymen qosa, Qazaqstannyń Ulttyq Banki aqshany jarııa etý naýqanyn keńinen taratý boıynsha BAQ-ta jáne ınternette belsendi túsindirý jumysyn júrgizýde.
Naýqanǵa 31 bank pen Ulttyq pochta operatory qatysatynyn atap ótemiz. Atalǵan naýqan týraly tolyq aqparat QR Ulttyq Bankiniń resmı portalyndaǵy «Múlikti jarııa etý» bóliminde ornalastyrylǵan.
