Qazaqstandyqtar Jańa jyldy azdaǵan aıazben jáne ushqyndaǵan qarmen qarsy alady - sınoptıkter
ASTANA. 29 jeltoqsan. QazAqparat - Aldaǵy mereke kúnderi soltústikatlantıkalyq tsıklon aýa raıynyń jyly ári ylǵaldy bolýyna ákeledi, soǵan baılanysty QR birqatar oblystarynda qar jaýady, eldiń soltústiginde ekpindi jelmen qarly burqasyn bolady, al respýblıkanyń ońtústiginde tuman túsip, kóktaıǵaq ornaıdy.
Bul týraly Qazgıdromettiń baspasóz qyzmetinen habarlady.
Boljam boıynsha, Qazaqstannyń ońtústik bóliginde aýa temperatýrasynyń baǵany nólden joǵary kóterilip, jylymyq bolýy ábden múmkin. Soǵan baılanysty bul aýmaqta jańbyr jaýýy yqtımal. Eldiń soltústik, shyǵys jáne ortalyǵynda kúndiz aýa baǵany nebári 7-12 gradýs sýyqtyqty quraıdy.
30 jeltoqsannan bastap respýblıkanyń batysyna Skandınav tsıklonynyń jaqyndaýy azdaǵan aıaz alyp keledi. Bul tsıklonnyń shyǵysqa qaraı jyljýyna sáıkes, Jańa jyldy azdaǵan aıazben jáne ushqyndap jaýǵan qarmen qarsy alý boljamy jasalýda.
«Qazgıdromet» RMK ujymy Sizderdi kele jatqan 2013 Jańa jylmen quttyqtaıdy!
