Qazaqstandyqtar Jańa jyl túninde 37 mıllıon ret qońyraý shaldy - Kcell
ASTANA. QazAqparat - Qazaqstanda Kcell abonentteri Jańa jyl túninde 37 mıllıon ret qońyraý shalyp, týǵan-týystaryn jáne jaqyn adamdaryn mobıldi ınternet kómegimen quttyqtady.
2015 jyldyń alǵashqy saǵatynda-aq «Ksell» abonentteri mobıldi ınternet arqyly 4.5 myń GB jumsaǵan. Bul ótken jyldyń qarsańyndaǵy kórsetkishten 1.7 ese kóp. Sonymen qatar 2015 jyldyń alǵashqy tórt saǵatynda taǵy 19.5 myń GB jumsaldy. Al qońyraý shalý kórsetkishi 2014 jyl qarsańyndaǵy kórsetkish deńgeıindeı boldy. Alǵashqy saǵat barysynda abonentter 17.4 mln ret qońyraý shalyp, ótken jylǵy kórsetkishten 200 myńǵa artyq boldy. Saǵat 0.00-dan 4.00-ge deıin 37 mıllıon ret qońyraý shalyndy», - delingen kompanııanyń resmı saıtynda.
Qońyraý shalý boıynsha abonentterdiń belsendiligi ortasha statıstıkalyq belsendilikten 56%-ǵa artqan. Al SMS-habarlamasy qalypty kúndegi jiberiletin SMS kórsetkishinen 3 ese jıirek jiberildi. Eń qyzyǵy, kompanııa abonentteri tilekteri jazylǵan SMS-ty aldyn ala jibergendi jón kóredi. ıAǵnı, 31 jeltoqsan kúni 20.00-den 1 qańtar kúni 00.00-ge deıingi ýaqyt aralyǵynda 2.8 mıllıon SMS jibergen. Alǵashqy saǵat barysynda 1.2 mıllıon qysqa SMS jiberilse, taǵy 2.8 mıllıony tańǵy saǵat tórtke deıin jiberilgen. SMS-tyń jetý jyldamdyǵy 5 sekýndty qurady.
«Abonentter jaqyndary men týǵandaryna izgi tilekterin bildirsin degen maqsatpen, kúlli Qazaqstan boıynsha Jańa jyl qarsańyndaǵy túnde kompanııanyń 90 ınjeneri jumys oryndarynda bolyp, daýys jáne ınternet qyzmetteriniń turaqty oryndalýyn qamtamasyz etti», - delingen habarlamada.
