Qazaqstandyqtar jańa teleshoý aıasynda eldiń úzdik 100 ánin tańdaıdy
ASTANA. 10 qańtar. QazAqparat /Gúlnár Jandaǵulova/ - Qazaqstandyqtar jańa teleshoý aıasynda eldiń úzdik 100 ánin tańdaıdy. Ol respýblıkalyq telearnalardyń birinde qańtar aıynda bastaý alady dep kútilýde.
«Aldaǵy jyldyń qańtar aıynda «Júz án» dep atalatyn taǵy bir jobany bastaý josparlanyp otyr. Osy shoý aıasynda Qazaqstannyń 100 úzdik áni tańdalyp alynady», - dep jazypty óziniń jeke blogynda respýblıkanyń Baılanys jáne aqparat mınıstri Asqar Jumaǵalıev.
«Eger sizderde qyzyqty ıdeıalar, telebaǵdarlamalardyń erekshe tujyrymdamalary bolsa, biz olardy qarastyryp, memlekettik telernalarda júzege asyrýǵa daıynbyz», - dep úndeý jarııalapty mınıstrlik basshysy óz blogynda.
