Qazaqstandyqtar jańa otandyq kólikterdi kóbirek satyp ala bastady
ALMATY. QazAqparat - El turǵyndary Qazaqstanda qurastyrylǵan avtomobılderdi satyp alýǵa 208 mlrd teńge jumsady, bul ótken jylmen salystyrǵanda 73% -ǵa kóp.
Bul týraly «QazAvtoProm» kompanııasynyń strategııalyq josparlaý jónindegi dırektory Artýr Mıskarıan málimdedi, dep habarlaıdy QazAqparat tilshisi.
Ol aǵymdaǵy jyldyń úshinshi toqsanynyń qorytyndysy boıynsha qazaqstandyqtardyń suranysyna ıe bolǵan brendterdiń reıtıngine toqtaldy. Oǵan sáıkes, elimizde «Lada» kóligi kósh bastap tur. Reseıde qurastyrylǵan atalmysh avtkólikti 10 913 qazaqstandyq satyp alǵan. Odan keıin Hyundai 9 954, KIA (2339 birlik), Ravon (1560 birlik) jáne Skoda (790 dana).
«Sonymen qatar JAC, UAZ, Chevrolet jáne Peugeot da qazaqstandyq avtokólik óndirýshileri usynatyn brendter tiziminde», - dedi ol.
Onyń aıtýynsha, jyl basynan beri jeńildetilgen nesıe baǵdarlamasy boıynsha 2 701 avtomobıl satyp alyndy, bul qazaqstandyq óndirýshilerdiń jalpy satylymynyń 9,1% quraıdy.
