Qazaqstandyqtar jaǵajaıda jatý syndy passıv demalystan arylyp keledi
«Qazaqstanda týrızm salasy búginde buryn-sońdy bolmaǵan ótkir jaǵdaıda tur. Onyń sebebi týrızm men kólik koronavırýstan zardap shekken salalardyń biri bolýynda. Degenmen, ekinshi jaǵynan alyp qaraǵanda, bizde zor resýrs bar jáne qazaqstandyqtar qazirgi ýaqytta óz elin jańa qyrynan tanyp jatyr desek bolady. Olar buryn bolmaǵan, tek sýretten ǵana kórgen jerlerge baryp júr. Bul oraıda, adamdardyń jaǵajaıda jatý nemese dastarqan basynda otyrý syndy passıv demalystan arylyp keledi. ıAǵnı, qyzyqty oqıǵa túrindegi saıahat beleń alýda. Ol taýǵa saıahattaý, qandaı da bir safarı, djıp kóligimen saıahat bolýy múmkin. Jalpy, týrızmniń belsendi túrine qyzyǵýshylyqtyń kúrt artýy álemdik trend sanalady»,- dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, Qazaqstanda belsendi demalysqa arnalǵan belgili bir ınfraqurylym qalyptasyp úlgergen. Buǵan qosa atalǵan ınfraqurylymdy damytýǵa bıznes tarapynan qyzyǵýshylyq joǵary. Sonymen qatar ol QR Tuńǵysh Prezıdenti Nursultan Nazarbaev qory bastamashylyq jasaǵan ekonomıkany salalyq ózgeristerge daıyndaý jónindegi baǵdarlamanyń jetekshisi ekendigin atap ótti.
«Osy turǵyda ózin ózi retteıtin týrıstik uıym retinde Alpen-klýb quryldy. Ol taýdaǵy qaýipsizdik pen standartty, turaqty ınfraqurylym qurýdy qamtamasyz etetin bolady»,- dedi Tımýr Dúısenǵalıev.
