Qazaqstandyqtar jaǵajaı voleıbolynan «Grand Slem» álemdik týrynyń Gollandııadaǵy kezeńinde úzdik ondyqqa endi
ALMATY. 16 maýsym. QazAqparat - Gollandııanyń Gaaga qalasynda jaǵajaı voleıbolynan «Grand Slem» álemdik týrynyń «The Hague Grand Slam» kezeńdik jarysy ótip jatyr.
11 maýsym kúni bastalǵan bul dodada óz tobynda úzdik shyqqan Alekseı Sıdorenko men Aleksandr Dıachenko juby 1/8 fınalda avstralııalyqtarǵa ese jiberdi. Sonyń nátıjesinde 9-shy oryn alyp, reıtıngtik qorjynyn 400 upaımen tolyqtyrdy. Buǵan deıin Dmıtrıı ıAkovlev pen Alekseı Kýleshov dárejelik 1-shi raýndta ıtalıandyqtarǵa utylyp, 41-shi oryn men reıtıngtik 80 upaıdy qanaǵat tutqan bolatyn. Al 2-shi raýndta gollandııalyqtarǵa 1:2 esebimen jeńilgen Tatıana Mashkova men Irına Tsımbalova 33-shi oryndy ıelenip, óz qorjynyna 160 upaı qosqan edi.Endi olar 18-23 maýsym kúnderi - Italııada, 1-6 shildede - Polshada bolatyn «Grand Slem» Álemdik týrynyń kelesi kezeńdik jarystarynda baq synaıtyn bolady.
