Qazaqstandyqtar zeınetaqy jınaǵyn qaıda jumsaıdy
1 naýryzdaǵy jaǵdaı boıynsha BJZQ-ǵa zeınetaqy jınaǵyn zeınetaqy portfelin basqarýshyǵa (IPB) aýdarýǵa 238 ótinish tústi. Aýdarymnyń jalpy somasy 692 mln teńgeden asady. Ortasha somasy - 3 mln teńge.
Zeınetaqy jınaǵyn IPB-ǵa aýdarýǵa ótinishterdiń 50% astamy Almaty qalasynyń turǵyndarynan kelip túsken. Olar orta eseppen 2,5 mln teńge aýdarady.
Elorda turǵyndarynan aýdarymǵa ótinishterdiń shamamen 19% tústi jáne olar IPB-ǵa orta eseppen 3,8 mln teńgeni senip tapsyrýǵa daıyn.
Berilgen ótinishterdiń sany boıynsha úshinshi orynda – Qaraǵandy oblysy (4,2%). Aýdarymnyń ortasha somasy 1,2 mln teńge.
IPB-ǵa jasalatyn aýdarymnyń eń kóp ortasha somasy – 11,4 mln teńgeden astam soma Soltústik Qazaqstan oblysynda tirkelgen.
Munda tek 2 ótinish berildi, biraq jalpy somasy - 23 mln teńge.
Salymshynyń zeınetaqy jınaqtary IPB basqarýyna:
- salymshynyń BJZQ-daǵy zeınetaqy jınaqtarynyń naqty somasy men zeınetaqy jınaqtarynyń eń tómen jetkiliktilik shegi arasyndaǵy aıyrmadan aspaıtyn mólsherde; nemese
- ómir boıǵy tólemderdi kózdeıtin saqtandyrý uıymymen zeınetaqy annýıteti sharty jasalǵan jaǵdaıda, salymshynyń BJZQ-daǵy shotyndaǵy zeınetaqy jınaqtarynyń qaldyǵynan aspaıtyn mólsherde berilýi múmkin.
Zeınetaqy jınaqtarynyń bir bóligin IPB-nyń senimgerlikpen basqarýyna aýdarý salymshydan ótinish túsken kúnnen keıingi kúntizbelik otyz kún ishinde júzege asyrylatyn bolady. Zeınetaqy jınaqtarynyń qalǵan bóligi Ulttyq banktiń basqarýynda qalady. Al BJZQ zeınetaqy jınaqtaryn esepke alýdy jalǵastyrady.
1 naýryzdaǵy jaǵdaı boıynsha zeınetaqy jınaqtaryn emdelýge paıdalaný týraly 737 ótinish berilgen. Aýdarymnyń jalpy somasy 2 mlrd teńgeden asady.
271 ótinish oryndalyp, ýákiletti operatorlarda ashylǵan salymshylardyń arnaıy shottaryna 277,7 mln teńge aýdaryldy.
Qazaqstandyqtar emdelýge ortasha eseppen 1 mln teńge aýdarady. Ótinishterdiń basym bóligi Almaty qalasy (20,9%), Nur-Sultan qalasy (18,6%) jáne Atyraý oblysynyń (7,3%) turǵyndarynan kelip tústi.
2021 jylǵy 1 naýryzǵa ýákiletti operatorlardan turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 181 842 ótinish tústi.
Jalpy somasy 643,1 mlrd. teńgeden asatyn 121 809 ótinish oryndaldy. Salymshylardyń arnaıy shottaryna túsken tólemderdiń ortasha somasy 5,3 mln teńgeden asady.