Qazaqstandyqtar zeınetaqy shotyndaǵy qarjynyń azaıyp qalǵanyna shaǵymdanyp jatyr
«Kóp adam zeınetaqy jınaǵyndaǵy aqshanyń azaıǵanyn baıqaǵan shyǵar. Ótken aıda men jınaǵymdy tekserdim, skrın jasadym. Osy aıda zeınetaqy aýdarymy bolǵanyn eskersek, ótken aıda jınaqtalǵan somadan 50 000 teńge jetispeıdi. Biryńǵaı jınaqtaýshy zeınetaqy qory jınaq ınvestıtsııalyq tabysqa baılanysty deıdi. Investıtsııalyq tabystyń jınaqtalǵan aýdarymǵa qalaı áser etetini meni tań qaldyrady. Mundaı jaǵdaıda jetkilikti shekke jetý múmkin emes», - dep jazdy Ásem esimdi elorda turǵyny Facebook paraqshasynda.
Biryńǵaı jınaqtaýshy zeınetaqy qorynyń baspasóz qyzmeti ınvestıtsııalyq tabystyń ózgerip turatynyn jáne bul qalypty naryqtyq jaǵdaı ekenin aıtyp otyr.
«BJZQ salymshylary men alýshylarynyń zeınetaqy jınaqtary jeke shotqa túsetin jarnalar men esepteletin ınvestıtsııalyq kiristen turady. Investıtsııalyq tabys - jeke zeınetaqy shotyna túsken sátten bastap zeınetke shyǵý jasy kelgende, shetelge kóshken kezde jáne muragerlik boıynsha aı saıynǵy tólem túrinde alýǵa bolatyn zeınetaqy jınaqtarynyń bir bóligine aınalady. Qazaqstandyqtar ınvestıtsııalyq tabysty alý úshin zeınetaqy jınaqtaryn elimizdegi jáne sheteldegi zeınetaqy aktıvterin basqarýshylar (QR Ulttyq banki jáne ınvestıtsııalyq portfeldi basqarýshylar) ekonomıkanyń ártúrli sektory boıynsha túrli qarjy quraldaryna jergilikti jáne shetel valıýtalarynda ornalastyrady», - dep túsindirdi BJZQ-dan.
Investıtsııalyq kiris - baǵaly qaǵazdar (salymdar jáne basqa da operatsııalar) boıynsha syıaqydan, qarjy quraldaryn naryqtyq jáne valıýtalyq qaıta baǵalaý túrindegi jáne syrtqy basqarýdaǵy aktıvter boıynsha taǵy sol sııaqty kiristerden turady.
«Qazaqstandyqtar zeınetaqy jınaǵynda ınvestıtsııalyq tabys kóleminiń ózgerýin baıqaýy múmkin. Teńgeniń dollarǵa qatysty uzaq merzimdi nyǵaıýy nátıjesinde teris baǵamdyq aıyrma týyndaǵanyn atap ótemiz. Bıyl jyl basynan bastap teńgege qatysty dollar baǵamynyń josparly tómendeýi baıqalady. 1 qańtarda 462,65 teńge, 1 aqpanda 460,51 teńge al 6 naýryzdaǵy jaǵdaı boıynsha 431,08 teńgeni qurady. Bul sońǵy 12 aıdaǵy eń tómengi mán. Aqpanda teńge shamamen 3,2%, al naýryzdyń birinshi onkúndiginde 2%-ǵa nyǵaıdy. Osylaısha, ınvestıtsııalyq tabystyń qysqa merzimdi ózgerisi 1 naýryzdaǵy jaǵdaı boıynsha qordyń jalpy kóleminiń shamamen 30%-n quraıdy. Sondaı-aq, jaǵdaı qarjy quraldarynyń naryqtyq qunynyń ózgerýine baılanysty zeınetaqy aktıvteriniń ınvestıtsııalyq portfelindegi valıýtalyq úlesti qaıta baǵalaý saldarynan teris baǵamdyq aıyrmanyń týyndaýyna baılanysty», - dep habarlaıdy qordyń baspasóz qyzmeti.
Qysqa merzimdi perspektıvada teńgeniń dınamıkasy ishki jáne syrtqy faktorlarǵa baılanysty. Geosaıası jaǵdaı teńge baǵamyna tikeleı áser etedi, óıtkeni jahandyq oqıǵalar aıyrbas baǵamdarynda kórinis tabady.
Alaıda ınvestıtsııalyq portfeldi ártaraptandyrý (ótkizý naryqtarynyń assortımentin keńeıtý jáne qaıta baǵdarlaý), onda bir qural boıynsha kiris basqa quraldar boıynsha ýaqytsha shyǵyndardy jabady.
Osylaısha zeınetaqy jınaqtarynyń saqtalýyn jáne ornyqty tabystylyǵyn qamtamasyz etiledi.
Investıtsııalyq qyzmettiń nátıjesi boıynsha basqarýshylardyń jyl basynan bergi tabysy 1 naýryzdaǵy jaǵdaı boıynsha 210,4 mlrd teńgeni quraıdy.
«Zeınetaqy jınaqtary – uzaqmerzimdi ınvestıtsııa jáne ınvestıtsııalyq tabys mólsherin obektıvti taldaý. Ony kem degende bir jyl ishinde jasaǵan jón ekenin eske salamyz. Qysqa merzimdi kezeńderdiń nátıjesi ındıkatıvti emes, óıtkeni ol naryqtyń ózgerýine baılanysty. Jınaqtaýshy zeınetaqy júıesi qurylǵan jyldan bastap ınvestıtsııalyq kiris (1998 jyl) 2023 jylǵy 1 naýryzdaǵy jaǵdaı boıynsha ósý qorytyndysymen 695,96% búkil kezeńdegi ınflıatsııa kezinde 740,12% qurady. Osylaısha, jınaqtalǵan ınvestıtsııalyq tabys uzaq merzimdi kezeńde ınflıatsııadan edáýir asyp túsedi», - delingen habarlamada.
Odan bólek, BJZQ baspasóz qyzmeti zeınetaqy aktıvterin ınvestıtsııalyq basqarý jáne esepteý júıesi ashyq júrgiziletinin eske saldy.
Investıtsııalyq tabys týraly resmı saıttaǵy (enpf.kz) jeke kabınet arqyly kórý múmkindigi bar nemese 24/7 rejıminde jumys isteıtin mobıldi qosymshanyń kómegimen bilýge bolady.
Zeınetaqy aktıvterin qaıta baǵalaý apta saıyn jáne ár aıdyń sońǵy kúni júrgiziledi