Qazaqstandyqtar ıÝpıter men Veneranyń jaqyndaýyn baqylady
2 naýryzda kún batqannan keıin batys kókjıekten bir jup planeta baıqaldy. Bul kúni ıÝpıter men Venera bir-birinen jarty gradýs qashyqtyqta boldy.
«Eń jaryq eki ǵalamshar – ıÝpıter men Venera (Sholpan) aspanda bir ýaqytta, bir jerde kezdesti. Olar kún batqannan keıin aspannyń batys bóliginde baıqaldy. Keıbir adamdar ony aspandaǵy jumbaq jarqyraǵan sharlar dep sensatsııa jasady. Biraq, munda erekshe eshteńe joq. Iá, aspandaǵy eki planetanyń bir-birine jaqyn bolýy – óte sırek kezdesetin qubylys. Shyn máninde, ıÝpıter Kúnnen Jerge qaraǵanda áldeqaıda alys ornalasqan, al Venera kerisinshe, Jerge qaraǵanda Kúnge jaqyn. Keıde aspanda olar bir baǵytta bolýy múmkin», - dedi V. Fesenkov atyndaǵy astrofızıkalyq ınstıtýttaǵy Aı men planetalar fızıkasy zerthanasynyń jetekshisi, fızıka-matematıka ǵylymdarynyń doktory, professor Vıktor Teıfel.
Ǵalymnyń aıtýynsha, ǵalamsharlardyń jaqyndasýy – óte sırek kezdesetin qubylys. Árbir planeta Kúnnen belgili bir qashyqtyqta ornalasqan jáne óz osinde, óz jyldamdyǵymen aınalady.
«Keıde bir ýaqytta birneshe ǵalamshar jaqyndaıdy. Biraq, olar qatar emes, aspanda bir-birinen birshama qashyqtyqta jáne shyn máninde olar óte alys», - dep túsindirdi ol.
«Planetalardyń bir-birine jaqyndaýy uzaqqa sozylmaıdy. ıÝpıter óte baıaý qozǵalady, bir jylda aspan boıynsha shamamen 30 gradýsqa jyljıdy, al Venera Kúnge jaqyn, ol óte jyldam qozǵalady jáne Kúnnen alystaıdy. Ol biraz qashyqtyqqa ketip, tipti ıÝpıterdi basyp ozady, sodan keıin olar alshaqtaıdy. ıÝpıter birte-birte Kúnniń artyna ketedi, al Venera da biraz qashyqtyqqa jyljıdy, keshki aspanda azyraq jarqyraıdy, sodan keıin jarty aınalym jasaý úshin Kúnge qaıtadan jaqyndaıdy jáne kún sáýlesinde joǵalady, sodan keıin ol ótedi. Jer men Kúnniń arasynda biz ony kórmeımiz. Óıtkeni, ol Aı sııaqty oraqqa aınalady jáne biz ony Kún fonynda kóre almaımyz», - dedi Vıktor Teıfel.
Aıtýynsha, aspandaǵy Venera Kúnnen ázirge alystamaıdy – 45 gradýsta. Sodan keıin ol Kúnge qaıta oralady jáne ony tańerteń kún shyqqanǵa deıin baıqaýǵa bolady.
«Eki planetanyń baılanysyn barlyq jerde baıqaýǵa bolady, munda erekshe eshteńe joq. Astronom úshin bul – oqıǵa emes. Mysaly, Aı nemese Kúnniń tutylýy qazirdiń ózinde oqıǵa sanalady. Aspandaǵy 2-3 planetanyń jaqyndaýy ádemi qubylys qana. Ádemi kórinis. Sosyn olar taraıdy, bylaısha aıtqanda ár planeta óz jolymen júredi», - dedi ǵalym.
Vıktor Teıfel planetalardyń túıisýi jer sharyna qaýip tóndirmeıtinin málim etti.
