Qazaqstandyqtar velosporttan Azııa chempıonatynda 6 medal jeńip aldy
ASTANA. QazAqparat - Velosporttan Azııa chempıonaty ótip jatqan Nakhon Radchasıma qalasynda velotrek boıynsha jarys aıaqtaldy. QR quramasy 6 júldege ıe boldy, onyń beseýin jasóspirimder oljalady, dep habarlady Qazaqstannyń velosıped sporty federatsııasynyń baspasóz qyzmetinen.
Eresekter arasynda Artem Zaharov medalǵa qol jetkizdi. Ol omnıýmde 3-orynǵa ıe boldy.
Quramynda Sergeı Shatohın, Asylhan Turar, Alisher Humaqan jáne Vladımır Tsoı bar tórttik komandalyq jarysta altynnan alqa taqty. Ekinshi jáne úshinshi oryndy koreılikter men japondyqtar ózara bólisti.
Názik jandylar toby bul synda qola júldege ıe boldy. Qurama quramynda: Svetlana Rıabova, Tatıana Geneleva, Nadejda Geneleva, Vıktorııa Pastarnak boldy.
Nadejda Geneleva 20 shaqyrymdy baǵyndyryp, ekinshi orynǵa ıe boldy. Jeke synda ol taǵy sheberligin kórsetip, qola alqaǵa qol jetkizdi. Al Svetlana Rıabova skretchte qola júldeger atandy.
Búginde azııa chempıonatynda qatysýshylar tas jolda baǵyn synamaq. Negizgi - erler arasyndaǵy toptyq jarys 12 aqpanda ótedi. Qazaqstan quramasynan oǵan Vadım Galeev, Nurbolat Kúlimbetov pen Jandos Bıjigitov qatysady.
