Qazaqstandyqtar ústel tennısinen Chernogorııadaǵy týrnırde óner kórsetedi
ASTANA. QazAqparat – Qazaqstandyqtar ústel tennısinen Chernogorııanyń Podgorıtsa qalasynda ótetin WTT Youth Star Contender týrnırine qatysady, dep habarlaıdy QazAqparat tilshisi.
Ulttyq olımpıada komıtetinen málim etkenindeı, jarys 11-15 sáýir aralyǵynda ótedi.
Aıtýly dodada qaraǵandylyq Alan Qurmanǵalıev (Qaraǵandy, álemdik reıtıngte №11, 19 jas) jáne Sarvınoz Mırkadırova (Shymkent, №30) óner kórsetedi.
Olarǵa jas erekshelikterine qaraı myna sportshylar qarsylas atanbaqshy: Kao Cheng-Djýı (Taıbeı, №3), Edýard Ioneský (Rýmynııa, №4), Hıýgo Desham (Frantsııa, №6), O Djýn Sýn (Koreıa, №7), Chan ıÝ-An (Taıbeı, №8), qyzdar Lı Deýn (Koreıa, №5), Pavad Prıtıka (Frantsııa, №7), Annett Kaýfmann (Germanııa, №8), Chen Pýsýan (Taıbeı, №9), Tsın ıÝısıýan (Qytaı, №11).
Eske sala keteıik, budan buryn Alan Qurmanǵalıevtiń Portýgalııadaǵy týrnırde altyn alǵanyn jazǵan bolatynbyz.
