Qazaqstandyqtar ushaq bortynda jıi tártip buza ma
ASTANA. QazAqparat - Búgin Parlament Májilisiniń jalpy otyrysynda QR Investıtsııalar jáne damý birinshi vıtse-mınıstri Roman Sklıar ushaq bortyndaǵy tártip buzýshylyqtar týray aıtty, dep habarlaıdy QazAqparat.
«Áýe kemesiniń bortyndaǵy tártip bizdiń erejelermen reglamenttelgen. Kez kelgen tártip buzýshylyq jol berilmeıtin áreket retinde qarastyrylady», - dedi ol.
Onyń atap ótýinshe, ushaq bortynda qazaqstandyqtar tarapynan ereje buzý oqıǵalary jıi kezdespeıdi.
«Bizdegi reıster sanynyń artýyna qaramastan, ótken jyly ákimshilik jaýapkershilikke qatysty eki-úsh oqıǵa tirkeldi. Sol kezde áýe kemesi bortynda qoǵamdyq tártipti buzǵany úshin bul adamdar jaýapkershilikke tartyldy», - dedi Roman Sklıar.
Aıta keteıik, búgin Májilistiń jalpy otyrysynda «Áýe kemeleriniń bortynda jasalatyn qylmystar jáne keıbir basqa da aktiler týraly konventsııany jáne Áýe kemeleriniń bortynda jasalatyn qylmystar jáne keıbir basqa da aktiler týraly konventsııany ózgertetin Hattamany ratıfıkatsııalaý týraly» zań jobasy maquldandy.
