Qazaqstandyqtar Ulttyq sanaqqa birneshe jolmen qatysa alady
QR Strategııalyq josparlaý jáne reformalar agenttigi Ulttyq statıstıka bıýrosynan málim etkendeı, sanaqqa onlaın rejımde qatysýǵa bolady. Ol 1 qyrkúıek – 15 qazan aralyǵynda sanaq.gov.kz saıtynda júrgiziledi. Júıe táýligine 24 saǵat boıy qoljetimdi. Respondent sanaqqa qatysý úshin ózine yńǵaıly kez kelgen ýaqytty tańdaı alady. Sondaı-aq saıtta blankty toltyrýdy toqtatý jáne ony toltyrýdy keıin qaıta jalǵastyrý múmkindigi jasalady.
Offlaın qatysý. Ol1-30 qazan aralyǵynda ótkiziledi. Sanaqtan onlaın-rejımde ótpegen respondentterdiń úılerine ıntervıýerler barady. Olar suraqtardyń jaýabyn planshetterge engizedi.
Sonymen qatar, egov.kz elektrondy úkimet platformasynda sanaq.gov.kz saıtynyń qosymsha paraǵy ornalastyrylady. Onda elektrondy tsıfrly qoltańba (ETsQ) arqyly sanaqqa qatysýǵa bolady.
Budan bólek, Ulttyq sanaq suraqtaryna «Aitu» mobıldik qosymshasyn júkteý arqyly jaýap berý múmkindigi jasalady.
Buǵan deıin habarlaǵanymyzdaı, elimizde ulttyq sanaq 2021 jyldyń 1 qyrkúıegi - 30 qazany aralyǵynda ótedi. Qazaqstandyqtar barlyǵy 87 suraqqa jaýap beredi.
