Qazaqstandyqtar úlken qoqysty polıgonǵa óz betinshe shyǵarýǵa mindettelmek

ASTANA. QazAqparat – Qazaqstanda jeke jáne zańdy tulǵalar úlken kólemdegi qoqystardy polıgondarǵa óz betinshe shyǵarýǵa mindettelýi múmkin. Bul týraly «Ashyq» NQA portalynda jarııalanǵan Indýstrııa jáne ınfroqurylymdyq damý mınıstriniń tıisti buıryǵynda jazylǵan.

«Búgingi tańda zańdy jáne jeke tulǵalar konteınerler men konteınerlik alańdardyń mańyna úlken kólemdegi qoqystardy (jıhaz, santehnıka, qurylys materıaldary) jıi tastaıdy. Olardy qoqys tasıtyn kólikke tıeý múmkin emes, mysaly, shkaf nemese dıvandy. Osyǵan baılanysty mundaı qaldyqtardyń ıeleri olardy qatty turmystyq qaldyqtar polıgonyna ózderi shyǵarýy kerek. Tıisti norma erejege qosylady», - delingen jańa redaktsııada.

Qosa ketsek, buǵan deıin Qazaqstanda jyl saıyn qordalanatyn 2 mln tonna qatty turmystyq qaldyqty bıogaz óndirý úshin paıdalanýǵa bolatynyn jazyp edik.