Qazaqstandyqtar túrli áýenderdiń kómegimen emdelip jatyr
ASTANA. QazAqparat - Qazaqstanda dástúrli emes jáne dástúrli medıtsına mamandary mýzyka kómegimen ár túrli aýrýlardy emdeıdi. Ásirese, olardyń aıtýynsha, ulttyq aspaptarda oryndalatyn týyndylardyń pıdasy zor, dep habarlady Trend.
Pavlodarda ulttyq emshi Kúmisjan Muqasheva naýqastardy qobyz oınap emdeıdi. Osy aspap kómegimen ol adam sanasyn depressııa men psıhologııalyq aýytqýlardan tazartady.
Almatyda "Sal" mýzyka terpeıasy bar. Kásibı mýzykant 45 mınýt kelýshilerge arnap qazaq aspabynda áýen oınaıdy. Mysaly, dúısenbi - saz-syrnaı, juma - dombyra. Ár aspaptyń úni belgili bir organdardy saýyqtyrýǵa baǵyttalǵan.
Astanada da mýzyka terapeıasyn paıdalanatyn mamandar bar. Olar magnıtafondyq jazbany paıdalanady.
«Kóptegen logopedter tutyǵýdy mýzykamen emdep júr. Kún saıyn eki saǵattan Motsartty tyńdasań, aqaýdan arylýǵa jetkilikti ekeni anyqtaldy. Osylaısha balalyq shaǵynda akter Jerar Deparde kekeshtikten arylǵan. Aldyńda óziń sheshe almaı júrgen mindet bar deıik. Jaı ǵana Motsartty tyńdańyz. Kóp uzamaı kúrmeýi qıyn máseleńiz sheshimin tabady. Bul kompozıtordyń áýeni mıdyń qabyǵyna áser etip, adamnyń parasatyn kóterip, tylsym kúsh beredi. Bul ǵylymı dáleldengen fakti», - dedi elordalyq psıholog Aıash Qurbaeva.
Qaırat Nurtastyń estradalyq jazbalaryn paıdalanyp, júıkesi syr bergenderdi emdeıdi. Onyń aıtýynsha, tómen daýyspen án aıtatyn er adamdardyń kompozıtsııasy naýqastarǵa jaqsy kómektesedi eken. Mysaly eger adam depressııaǵa ushyrasa, ol Músilim Magomaevtyń oryndaýyndaǵy Fıgaro kavatınasyn tyńdaýy qajet.
