Qazaqstandyqtar turǵyn-úı qurylysyna qatysyp, baspana baǵasyn tómendete alady - Jalpyǵa ortaq eńbek koalıtsııasy
ASTANA. 13 qyrkúıek. QazAqparat - Jalpyǵa ortaq eńbek koalıtsııasy «Baqytty otbasy» bastamasyn kóterip otyr.
Onyń aıasynda qazaqstandyqtarǵa turǵyn-úıdiń qurylysyna qatysyp, baspanany tómendetilgen baǵamen satyp alýǵa múmkindik berilýi tıis.
Búginde koalıtsııa músheleri Astana qalasynyń ákimi Imanǵalı Tasmaǵambetovke usynys jasap, jobany iske asyrýǵa qajetti jer teliminiń qajettigin jetkizdi.
«Bul bastamanyń mánisi mynada: árbir qazaqstandyq azamat páter alatyn turǵyn-úıdiń qurylysyna ózi qatysyp, ol aıaqtalǵannan keıin arzandatylǵan baǵamen satyp ala alady. Máselen, 100 saǵat eńbek etken adam úshin tolyq bitken páterdiń baǵasyn 1500-1600 dollardan 1200 dollarǵa deıin tómendetýge bolady», - deıdi Jalpyǵa ortaq eńbek koalıtsııasynyń ókili Aıjan Óteýova.
