Qazaqstandyqtar trektegi velosport boıynsha Azııa chempıonatynda taǵy 3 medal jeńip aldy
ASTANA. QazAqparat - Japonııadaǵy qurlyq birinshiliginiń ekinshi jarys kúni Qazaqstan quramasynyń qorjynyna eki qola jáne bir kúmis medal ákeldi, dep habarlaıdy QVSF-nyń baspasóz qyzmetinen.
Maksım Naletov jasóspirimder arasynda keırınde úshinshi bolyp keldi.
Jasóspirimder arasyndaǵy komandalyq jarysta Iogann Shteın, Dmıtrıı Lesechko, Dmıtrıı Glazýnov jáne Artem Melnıkov júldegerler tuǵyrynyń úshinshi satysyna kóterildi. Qola medal úshin kúreste bizdiń jasóspirimderimiz Gonkongtaǵy qarsylastarynan jyldam boldy.
Robert Gaıneev erler arasynda skretch erejesinde kúmis júldege qol jetkizip, jarys ıesi Takýto Kýrabashıge (Japonııa) ǵana jol berdi. Qola medaldi Koreıa ókili Keonsho Park jeńip aldy.
Eske sala keteıik, buǵan deıin qazaqstandyq velosıpedshiler trektegi jarysta úsh medalǵa jáne kúre joldaǵy velosportta eki joǵary medalǵa qol jetkizgen bolatyn.
Trektegi velosport boıynsha Azııa chempıonaty 30 qańtarda aıaqtalady.
