Qazaqstandyqtar temeki buıymdaryna qansha aqsha jumsaıdy

ASTANA. QazAqparat - Elimizde temeki buıymdaryna bárinen de Soltústik Qazaqstan oblysynyń turǵyndary kóp aqsha jumsaǵan, dep habarlaıdy QazAqparat energyprom.kz saıtyna silteme jasap.

Óńirde ár úıge shaqqanda temeki satyp alýǵa 20,5 myń teńge shyǵyndalypty.

Bıylǵy aqpannyń qorytyndysy boıynsha temekiniń baǵasy bir jylda 19%-ǵa ósti.

Baǵanyń qymbattaǵany, ásirese elordalyqtarǵa qatty bilindi. Munda baǵa birden 24,3%-ǵa kóterilgen. Sondaı-aq baǵa qatty qymbattaǵan bes óńirdiń qatarynda Shyǵys Qazaqstan (22,4%), Aqmola, (22,3%), Jambyl (22,1%) jáne Almaty (21,3%) oblystary bar.

Baǵa tek Pavlodar oblysynda (12,5%) ǵana aıtyrlyqtaı qymbattamaǵan.

Bıylǵy qańtar-aqpanda elimizde 2,3 mlrd dana temeki, papıros jáne túrli temeki buıymdary shyǵarylǵanyn aıta keteıik. Bul byltyrǵy dál osyndaı kezeńmen salystyrǵanda 3,9%-ǵa az.

Jalpy, elimizde temeki kóp shegetin óńirlerdiń qatarynda SQO-dan bólek, Pavlodar (20,3 myń teńge), Aqmola (19,3 myń teńge) oblystary da bar. Al Shymkent qalasy (2,3 myń teńge), Mańǵystaý (3,2 myń teńge) jáne Túrkistan (4,5 myń teńge) oblystarynda kerisinshe temekige aqsha az jumsalady.