Qazaqstandyqtar tegin qońyraý shalýǵa múmkindik beretin mobıldi qosymsha jasap shyǵardy
ASTANA. QazAqparat - Qazaqstandyq jasaqtaýshylar smartfondar men planshetterge arnap, 3G nemese WiFi arqyly tegin qońyraý shalýǵa múmkindik beretin mobıldi qosymsha jasap shyǵardy, dep habarlaıdy «Tehnologııalyq damý ulttyq agenttigi» AQ baspasóz qyzmeti.
«Daýys sapasy smartfondaǵy ınternettiń sapasyna baılanysty. Viber qosymshasynda eki sóılesýshiniń de 3G nemese WiFi sapasy jaqsy bolýy shart, bizdiń qosymshaǵa tek bir sóılesýshiniń ınternet baılanysynyń sapasy jaqsy bolsa boldy», - deıdi jasaqtaýshylardyń biri Qaırat Ahmetov.
Onyń aıtýynsha, qosymshada baılans sapasyn kórsetip turady. Paıdalanýshylar onyń deńgeıin anyqtap, ózine qajetti sapany retteı alady. Qosymsha arqyly ınternettiń 32 kbıt/s jyldamdyǵynyń ózinde GSM negizinde qońyraý shalǵanmen birdeı sapada sóılesýge bolady.
