Qazaqstandyqtar «Taıland hanshaıymy kýbogy» XV Halyqaralyq týrnırinde ekinshi oryndy enshiledi
ALMATY. Maýsymnyń 21-i. QazAqparat /Erlik Erjanuly/ - Qazaqstandyq voleıbolshylar Nakhonratshasıma qalasynda ótken «Taıland hanshaıymy kýbogy» XV Halyqaralyq týrnırinde aqtyq synda ǵana jarys qojaıyndaryna ese jiberip aldy,
dep habarlaıdy QazAqparat QR Voleıbol federatsııasyna silteme jasap.
Maýsymnyń 11-i kúni jalaýyn kótergen bul baıraqty básekede el namysyn Nellı Şerbakova jattyqtyratyn Taldyqorǵannyń "Jetisý" klýby qorǵaǵan bolatyn. Olar irikteý kezeńinde "A" tobynda Indonezııa (25:19, 25:15, 25:11) men Taıpeı (25:12, 25:13, 25:17) sportshylaryn utyp, jarys qojaıyndaryna (25:16, 25:18, 30:28) ese jiberdi. Odan keıin shırek fınalda Perýdiń jastar quramasyn 3:0 (25:11, 25:13, 25:20), al jartylaı synda Qytaıdyń "Sichuan" komandasyn 3:1 (20:25, 25:21, 25:15, 25:17) esebimen utyp, aqtyq fınalǵa shyqty. Onda jarys qojaıyndarynyń "Federbrau" komandasyna taǵy da 1:3 (24:26, 23:25, 29:27, 13:25) esebimen ese jibergen "jetisýlyqtar" ekinshi orynǵa ıe boldy. Al úshinshi oryn úshin bolǵan oıynda «taıpeılikter" qytaılyq qurdastarynan 3:2 esebimen basym tústi.
