Qazaqstandyqtar tarıfti qalyptastyrýǵa qatysa alady
ASTANA. QazAqparat - Tutynýshylar qoǵamdyq birlestik qurý arqyly tarıf qalyptastyrýǵa qatysady. Bul týraly búgin Memleket basshysynyń Parlamenttiń 4-sesssııasynda qoıǵan mindetterin talqylaýǵa arnalǵan Parlamenttegi «Nur Otan» partııasy fraktsııasynyń jınalysynda depýtat Nurtaı Sabılıanov aıtty, dep habarlaıdy QazAqparat tilshisi.
Májilis depýtatynyń aıtýynsha, tabıǵı monopolııa salasyndaǵy ınfraqurylymdy jańartý jáne kórsetiletin qyzmetterdiń sapasyn arttyrý týraly mindetterdi sheshý Ekonomıkalyq reforma jáne óńirlik damý komıteti qarastyryp otyrǵan «Tabıǵı monopolııalar týraly» QR zańy jobasy arqyly júzege asyrylady. Bul joba tabıǵı monopolııalar aıasynda ákimshilik kedergilerdi azaıtý, sondaı-aq monopolısterdi, olardyń qyzmetteriniń tıimdiligi men ashyqtyǵyn arttyrý úshin yntalandyrýdy kózdeıdi.
«Osy maqsatta zań jobasy eń úzdik halyqaralyq tájirıbege sáıkes keletin monopolısterdiń qyzmetin retteıtin yntalandyrý ádisterin kezeń-kezeńimen engizý, tarıftik saıasat týraly keńes qurý, sonymen birge tutynýshylardyń qoǵamdyq birlestikterin qurýdy kózdeıdi. ıAǵnı, tarıfti belgileý kezinde bizdiń tutynýshylar qoǵamdyq birlestik qurady jáne jarııa túrde tyńdaý bolady. Sol arqyly tarıftiń qalyptastyrylýyna óz úlesterin qosady. Sonymen qatar bul zańnyń taǵy bir ereksheligi tabıǵı monopolııalar sýbektileri men tutynýshylardyń quqyqtary men mindetteri naqtylanyp, belgilenip otyr. Qazaqstanda 1225 tabıǵı monopolııa sýbektisi tirkelgen. Onyń ishinde turǵyn úı-kommýnaldyq sharýashylyq salasynda qatystysy - 779. ıAǵnı, olar 1386 qyzmet túrin kórsetedi», - dedi Nurtaı Sabılıanov.
