Qazaqstandyqtar tamyz aıynda qansha sheteldik valıýta satyp aldy
ALMATY. QazAqparat - Ulttyq bank tamyz aıynda halyqtyń qolma-qol sheteldik valıýtany satyp alýy jóninde aqparat berdi, dep habarlaıdy QazAqparat tilshisi mekemeniń baspasóz qyzmetine silteme jasap.
«2018 jylǵy tamyz aıynda halyq 343,9 mlrd teńgege netto-negizde qolma-qol sheteldik valıýta satyp alǵan. Bul - jaz aılaryndaǵy dástúrli maýsymdyq suranys», - dedi Ulttyq bank ókili.
Suranysqa ıe negizi valıýta AQSh dollary 71,1% quraıdy. Al reseılik rýbl men eýronyń úlesi sáıkesinshe 21% jáne 7% boldy.
Byltyrǵy jyldyń tamyz aıymen salystyrǵanda qolma-qol sheteldik valıýtanyń netto-satylymynyń jalpy kólemi 4,5% azaıǵan. Bul AQSh dollaryna suranystyń tómendeýine alyp keldi (satyp alý shyǵyny 17% qysqardy). Qolma-qol reseı rýblderin satyp alý deńgeıiniń artýy (2017 jylǵy tamyz aıymen salystyrǵanda 56,2% ósken) kóbine ulttyq valıýtanyń saýda qatynasynda, ásirese shekara boıyndaǵy oblystarda qoldanylýyna baılanysty.
«Sondaı-aq, qolma-qol reseılik valıýtaǵa suranystyń artýy teńgeniń rýblge shaqqandaǵy baǵamynyń nyǵaıýyna baılanysty boldy. ıAǵnı ústimizdegi jyldyń qańtar-tamyz aılarynda 7,3% qurap, bir rýbl 5,77 teńgeden 5,35 teńgege deıin tómendegen. Eýroǵa suranys (2017 jylǵy tamyz aıymen salystyrǵanda bıylǵy jyldyń uqsas merziminde satyp alý shyǵyndary 46,6% qurady) maýsymnan maýsymǵa deıin ár aıda ózgeriske ushyrap, turaqsyz bolyp qalyp otyr», - dedi vedomstvonyń baspasóz qyzmetindegiler.
