Qazaqstandyqtar Taılandqa vızasyz bara alady
ASTANA. QazAqparat - Qazaqstandyqtar Taılandqa ýaqytsha vızasyz bara alady. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
Aıbek Smadııarov Taıland Qazaqstan azamattary úshin vızalyq alymdardy ýaqytsha joıǵandyǵyn jetkizdi.
«Taıland Koroldigi Syrtqy ister mınıstrliginiń málimetine sáıkes, 2018 jyldyń 15 qarashasynan bastap 2019 jyldyń 13 qańtaryna deıin birqatar elderdiń, sonyń ishinde Qazaqstan azamattary úshin Taılandqa kelý kezinde vızalyq alymdar alynyp tastalǵan. Taılandqa kelý kezinde týrıstik vızany basqa kezeńderde alý quny Taılandtyń 2 myń baty bolyp ózgerissiz qalady», - dedi ol.
Sondaı-aq resmı ókil «Túrkııa Respýblıkasy Prezıdentiniń 2018 jylǵy 10 qarashadaǵy Jarlyǵyna sáıkes, birqatar elderdiń, sonyń ishinde Qazaqstan azamattarynyń Túrkııada bolý quqyǵy 30 kúnnen 90 kúnge uzartylǵandyǵyn» da atap ótti.
