Qazaqstandyqtar taǵy bir memleketke vızasyz bara alady

NUR-SULTAN. QazAqparat – Qazaqstandyqtar endi Perý Respýblıkasyna 30 kúnge vızasyz bara alady. Bul týraly Úkimettiń tıisti qaýlysy «Ashyq» NQA saıtynda jarııalandy, dep habarlaıdy QazAqparat tilshisi.

«Jaramdy jol júrý qujattary bar QR azamatynan Perý Respýblıkasyna 30 kúnnen aspaıtyn ýaqytqa bir nemese birneshe ret barǵanda, tranzıtpen ótkende jáne ýaqytsha bolǵan kezde olardan vızalyq talaptar suralmaıdy. Perý Respýblıkasynyń aýmaǵynda bolǵan kezde óziniń qujattaryn joǵaltqan Qazaqstan Respýblıkasynyń azamaty sol eldegi Qazaqstan elshiligine nemese konsýldyq bólimshelerine baryp, ókildikter usynǵan ýaqytsha qujat arqyly Perý aýmaǵynan tys jerlerge shyǵa alady», - delingen qaýlyda.

Qazaqstan Respýblıkasynyń azamatynda bolýy tıis qujattar:

- dıplomatııalyq pasport;

- qyzmettik kýálik;

- Qazaqstan Respýblıkasynyń azamaty ekenin rastaıtyn kýálik;

- Qazaqstan Respýblıkasyna qaıtyp oralýǵa arnalǵan kýálik.

Qujatqa sáıkes, tótenshe jaǵdaı nemese ózge de oqys oqıǵaǵa tap bolyp, Perý terrıtorııasynan ketý múmkindigi bolmaǵan qazaqstandyqtar sol eldiń quzyretti organdaryna ótinish berip, turý merzimin uzarta alady.