Qazaqstandyqtar tabysynyń eń kóp úlesin et pen nanǵa jumsaıdy – statıstıka
ASTANA. QazAqparat – Qazaqstandyqtar tabysynyń eń kóp úlesin et jáne et ónimderine, nan men jarma ónimderine jumsaıdy, dep habarlaıdy QazAqparat.
Ulttyq statıstıka bıýrosynyń málimetine sáıkes, 2022 jylǵy II toqsanda byltyrǵy osyndaı kezeńmen salystyrǵanda azyq-túlik ónimderiniń barlyq negizgi toptary boıynsha tutyný kórsetkishteri tómendegen.
Qazaqstandyqtardyń azyq-túlik ónimderin satyp alýǵa ketken qarajatynyń kóp úlesi ótken jylǵydaı et jáne et ónimderine (17%), nan men jarma ónimderine (7,9%) tıesili.
Et jáne et ónimderin eń kóp Aqmola oblysynda tutynatyn bolsa, eń az tutynatyn óńir – Shymkent qalasy.
