Qazaqstandyqtar súıikti sýsyny úshin artyq aqsha tólep júr
ASTANA. QazAqparat - Qazaqstandaǵy shaı men kofeniń jyldyq óndirisi 36,4% artqan, alaıda baǵasy da kórsetkishpen qatar ósip keledi. Kóktemde bir keli shaıdyń quny 2,84 myń teńgeni quraǵan, dep habarlady energyprom.kz .
Qańtar aıynda shaı men kofe óndirisi 1,97 myń tonnaǵa jetti - bul ótken jyldaǵy dál osy kezeńmen salystyrǵanda 36,4% kóbirek. Biraq, taýar baǵasy arzandar emes. Óndiristiń basym bóligi Almaty qalasyna (90,4%) tıesili - 1,78 myń tonna, bul ótken jylmen salystyrǵanda 41%-ǵa kóbirek.
Ótken jyldyń kúzinde ońtústik astanada «Tea House» JShS túıirshikti shaıyn óndirý jáne bólshektep ólsheý boıynsha 500 mıllıon teńgege jańaratylǵan tseh iske qosyldy. Ol ındýstrııalandyrý kartasynyń ekinshi besjyldyǵy aıasynda jańǵyrtyldy. Odan bólek, «Bıznestiń jol kartasy - 2020» baǵdarlamasy boıynsha kásiporyn ishinara jabdyq alýǵa nesıe boıynsha paıyzdyq stavkalardy sýbsıdııalaýǵa qol jetkizdi. Bul óndiris qýatyn 20% arttyrýǵa múmkindik berdi.
Endi «Tea House» óndiristi aıynsha 600 tonnadan 720 tonnaǵa deıin ulǵaıtty, bul Qazaqstan shaı naryǵynyń 40% úlesin quraıdy. 300-den astam qyzmetker jumys isteıtin kásiporyn Qyrǵyzstan, Reseı, Belarýs jáne Mońǵolııaǵa taýar eksporttaıdy.
2017 jyly qańtar aıynda óndirilgen ónimniń taǵy 7,2% Almaty oblysynyń kompanııalary qamtamasyz etken. Bul aralyqta óndirilgen 142 tonna ónim kórsetkishi ótken jylmen salystyrǵanda 77,5% kóp.
