Qazaqstandyqtar súttiń 35 paıyzyn shetelden tasyp tutynýda
ASTANA. 19 jeltoqsan. QazAqparat - Qazaqstandyqtar tutynatyn súttiń 35 paıyzy shetelden keledi.
Bul týraly búgin Úkimet otyrysynda 2013-2020 jyldarǵa arnalǵan aýyl sharýashylyǵy jáne azyq-túlik ónerkásibiniń ónimin qaıta óńdeýdi damytý boıynsha is-sharalardyń keshendi josparyn tanystyrǵan QR Aýyl sharýashylyǵy vıtse-mınıstri Múslim Ómirıaev málim etti.
Onyń alǵa tartqan derekterine qaraǵanda, 2012 jyly elimizde 4,8 mln. tonna sút óndirilse, onyń 85 paıyzy jeke qosalqy sharýa qojalyqtarynyń úlesine tıesili. Bul rette óndiristiń jalpy kólemindegi qaıta óńdeý úlesi 35 paıyzdy ne bolmasa 1,68 mln. tonna sútti quraıdy.
«Eksport kólemi 22 myń, al ımport 903 myń tonnany quraıdy. Іshki tutyný kólemi - 2,5 mln. tonna. Іshki tutynýdaǵy otandyq óndiristiń úlesi 65 paıyzǵa teń, al qalǵan 35 paıyzy ımporttalady. Osylaısha, sútti qaıta óńdeýde óndiristi arttyrý ári ımportty yǵystyrý úshin zor áleýet bar»,- dedi ol.
Osy rette vıtse-mınıstr atalǵan saladaǵy kemshilikter qatarynda shıkizat súttiń jetkiliksizdigin, qural-jabdyqtardyń tozý úlesiniń joǵarylyǵyn, aınalym qarajattyń joqtyǵyn atap ótti.
