Qazaqstandyqtar sút ónimin kóp tutynyp, balyq pen teńiz ónimin az tutynady
ASTANA. QazAqparat - 2014 jyly elimizdiń úı sharýashylyqtaryndaǵy (halyqtyń ortasha jan basyna shaqqanda) eń kóp tutynylatyn tamaq ónimderi - sút jáne sút ónimderi bolsa, eń az tutynylatyn balyq jáne teńiz ónimderi boldy. Bul týraly Ulttyq ekonomıka mınıstrliginiń baspasóz qyzmetinen habarlandy.
Atap aıtqanda, 2014 jyly halyqtyń ortasha jan basyna shaqqanda tutynylǵan sút ónimderi 225,6 kelini quraǵan bolatyn. Al osy kezeńde tutynylǵan balyq jáne teńiz ónimderi 11-11,3 keli aralyǵynda boldy.
«Esepti kezeńde qalalyq jáne aýyldyq jerlerdegi halyqtyń tamaq ónimderiniń negizgi túrlerin tutynýyn salystyrǵanda eń joǵary saralaný jumyrtqany, nan jáne jarma ónimderin, jemisterdi tutyný boıynsha baıqalady. Sonymen qatar, eń tómen jáne eń joǵary tabystary boıynsha halyqtyń detsıldik toptarynda tamaq ónimderin tutyný boıynsha aıtarlyqtaı alshaqtyq saqtalýda. Bul rette eń joǵary saralaný balyqty jáne teńiz ónimderin, jemisterdi, et jáne et ónimderin tutyný boıynsha baıqalady», - delingen baspasóz baıanynda.
