Qazaqstandyqtar SIM-kartaǵa jazylǵan elektrondyq tsıfrlyq qoltańbany tamyz aıynyń sońynda alady
ASTANA. QazAqparat - Mobıldik qoltańbanyń resmı iske qosylýy qarsańynda «Ulttyq aqparattyq tehnologııalar» AQ-da onyń aldyn ala kórsetilimi men testileýi ótkizildi, dep habarlaıdy egov.kz.
Іs-shara barysynda jýrnalısterge dástúrli tasymaldaýshydaǵy ETsQ berildi. Jýrnalıster ony ózderiniń uıaly telefondaryna kóshirip, elektrondyq úkimettiń mobıldik qosymshasynyń ótinimine qol qoıa aldy. Osylaısha, olar eGov.kz mobıldik qosymshasyn baǵalady, sondaı-aq mobıldik qoltańbany paıdalanýdan aıyrmashylyǵyn sezine bildi. «Ulttyq aqparattyq tehnologııalar» AQ «Mobıldik úkimet» jobasynyń jetekshisi Gúlmıra Isabekovanyń aıtýynsha, mobıldik qoltańbanyń artyqshylyǵy - ınterneti joq jáne qosymsha ornatylmaıtyn eń qarapaıym mobıldi telefonnan keıbir memlekettik qyzmetterdi alýǵa bolatyndyǵynda. «Qyzmetterdi alý úshin paıdalanýshyǵa SMS jiberý jáne ETsQ SIM-kartasyna jazylǵanǵa qol qoıý jetkilikti. Jaýap retinde oǵan qyzmet nátıjesi jáne anyqtamanyń biregeı kodymen habarlama keledi. Anyqtamanyń ózi elektrondyq úkimet portalyndaǵy jeke kabınetke túsedi. Mekenjaı anyqtamasyn, jyljymaıtyn múlik jáne sotty bolmaǵandyǵy boıynsha anyqtamany alý jónindegi SMS-qyzmetter «Aqparattandyrý týraly» zań qabyldanǵannan keıin qoljetimdi bolady», - dep túsindirdi Isabekova. Búgingi kúni eGov.kz mobıldik qosymshasynyń qyzmetterin elektrondyq úkimet portalyndaǵy paıdalanylatyn ETsQ kómegimen alýǵa bolady. Sonymen qatar bul qyzmetti olar satylymǵa túskennen keıin mobıldi ETsQ kómegimen alýǵa múmkin bolady. Joba pılottyq tártipte «Altel» uıaly baılanys operatorymen iske qosyldy. HQKO operatorlarynan nemese Astana, Almaty qalasy «Altel» satylym bólimderinen aǵymdaǵy jylǵy tamyz aıynyń sońynda tıisti SIM-kartany alý múmkin bolady. Elimizdiń qalǵan óńirlerinde ETsQ jazbasy múmkindigimen SIM-kartalardy taratý qazan aıyna josparlanǵan. Sonymen qatar jyl aıaǵynda ETsQ jazbasy múmkindigimen SIM-kartalardy uıaly baılanystyń qalǵan operatorlary júzege asyratyn bolady. Mobıldik qoltańba mobıldik formattaǵy memlekettik qyzmetterdi berýdi eskeretin Qazaqstannyń «Mobıldi úkimeti» jobasy aıasynda iske asyrylǵandyǵyn atap ótemiz. Búgingi kúni QR azamattaryna mobıldik formatta 50-den asa qyzmet jáne servıs qoljetimdi, júıege 1 200 myń adam qosyldy.
