Qazaqstandyqtar Shveıtsarııada PhD dárejesin alýyna bolady
ASTANA. QazAqparat - Shveıtsarııanyń shetel stýdentterine arnalǵan stıpendııalyq baǵdarlamalar boıynsha federaldyq komıssııasy sheteldikterge sonyń ishinde Qazaqstan azamattaryna PhD dárejesin alýǵa arnalǵan memlekettik stıpendııa usyndy, dep habarlaıdy QazAqparat «Halyqaralyq baǵdarlamalar ortalyǵy» AQ-na silteme jasap.
Úmitkerge Shveıtsarııadaǵy 10 kantonaldyq ýnıversıtet, eki federaldyq tehnologııa ınstıtýty nemese memlekettik oqý jáne zertteý ınstıtýttarynda bilim alý usynylady.
Stıpendııany barlyq akademııalyq sala boıynsha qajetti dárejesi bar joǵary bilikti aspıranttar ala alady. Bilim alý uzaqtyǵy 3 jyl.
Grantta 1 920 shveıtsarııa franki kóleminde shákirtaqy, medıtsınalyq saqtandyrý, elge kelip-ketý jolaqysy, Shveıtsarııadaǵy qoǵamdyq kólik bıletine jeńildik, talap etiletin túrli zertteýler shyǵyny qarastyrylǵan.
Stıpendııa jáne onyń sharttary týraly naqty aqparatty 2018 jyldyń 1 tamyzynan bastap Sheteldik stýdentterge arnalǵan stıpendııalar jónindegi federaldyq komıssııanyń saıtynan bilýge bolady.
Talap boıynsha, kandıdattyń jasy 35-ten kem bolmaýy, magıstr dárejesi bolýy qajet. Sondaı-aq, shákirtaqy alýǵa ótinim bergen kezde, qabyldaıtyn mekemeniń doktorlyq baǵdarlamasynda alynýy kerek.
Shveıtsarııada bir jyldan astam turǵan úmitkerler stıpendııalyq baǵdarlamaǵa ótinish bere almaıdy.
Úmitkerler professordyń atynan kandıdattyq dıssertatsııasyn qoldaýyn jáne jumys jetekshisi bolýyna kelisýin negizdeıtin professordyń hatyn (onyń qysqa túıindemesimen birge) usynady. Sonymen qatar qajetti tildik bilim talap etiledi.
Shákirtaqy ıegerleri PhD doktorantýrany oqý kezinde Shveıtsarııaǵa turady.
Úmitkerdiń talap etilgen qujattardy Astana qalasyndaǵy Qazaqstandaǵy Shveıtsarııa Elshiligine joldaýy tıis. Qosymsha suraqtarǵa da osy jerde jaýap beriledi.
