Qazaqstandyqtar shetelge shyǵa ala ma

NUR-SULTAN. QazAqparat – Qazaqstandyqtar qoljetimdi kóliktiń kez kelgen túrimen shetelge shyǵa alady. Bul týraly QR UQK Shekara qyzmeti Shekaralyq baqylaý departamenti bastyǵynyń orynbasary, polkovnık Oleg Fısenko OKQ-daǵy baspasóz máslıhatynda málim etti, dep habarlaıdy QazAqparat tilshisi.

Spıkerdiń aıtýynsha, respýblıkada áli de bolsa shekteý sharalary kúshinde tur.

«Alaıda qazirgi ýaqytta qazaqstandyqtar qoljetimdi kóliktiń kez kelgen túrimen shetelge shyǵyp, qaıta orala alady. Sonymen birge sheteldikterge de Qazaqstanǵa kirýge ruqsat bar», - deıdi Oleg Fısenko.

Onyń aıtýynsha, máselen qazaqstandyqtar Reseıdegi týǵan-týystarymen qaýyshqysy kelse, oǵan eshqandaı kedergi joq.

Tek bir eskeretini - jasóspirimder shekaradan tek ata-anasymen birge óte alady.

Oleg Fısenko sonymen birge shekaradan ótý úshin elden ne úshin shyǵyp bara jatqanyn túsindire alatyndaı qujat bolýy tıis.