Qazaqstandyqtar sheteldegi zııatkerlik menshik quqyǵyna patentti tirkeı alatyn bolady

Búgin Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysynan keıin jýrnalısterge bergen suhbatynda senator Lıýdmıla Poltorabatko osylaı málim etti. Eske salaıyq, komıtette «Qazaqstan Respýblıkasynyń keıbir zańnamalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn.

«Zań jobasyndaǵy basty jańalyqtardyń biri elimizdiń ishinde ǵana bir ret tirkelip, «patent» uǵymyn ıelengen ınnovatsııalyq patentti qaıta tirkeýden ótkizýdi alyp tastaý kózdeledi. ıAǵnı, azamattar endigi kúni patentterin tek bizdiń elimizde ǵana emes, shet elderde de tirkeı alatyn múmkindikke ıe. Osyǵan baılanysty, shet elderdegi tirkelgen patentterdiń endi bizdiń elimizde de kúshi bar bolady», - dedi L. Poltorabatko.

Budan bólek, zań jobasynyń maqsaty tirkeý rásimin ońaılatý jáne quqyqtyq olqylyqtardy joıý, sondaı-aq zııatkerlik menshik salasynda ákimshilik kedergi keltiretin normalardy alyp tastaý bolyp tabylady. Máselen, avtorlyq quqyq salasynda engiziletin túzetýler ujymdyq uıymdardyń qyzmetin naqtylaýǵa baǵyttalady. Bul rette qoldanystaǵy zańnamada ujymdyq negizde múliktik quqyqtardy basqaratyn uıymdardyń (ujymdyq uıymdar) avtorlyq quqyq pen sabaqtas quqyqtar obektilerin paıdalanǵany úshin avtorlyq syıaqyny jınaý, bólý jáne tóleý boıynsha mindeti belgilengen.

Sonymen qatar zań jobasy boıynsha ujymdyq uıymdar tarapynan asyra paıdalanýdy joıý sharalary kózdeledi. Máselen, uıymnyń syıaqyny jınaý, bólý jáne tóleý boıynsha óziniń naqty shyǵystaryn óteýge jınalǵan syıaqydan ustalatyn somanyń shekti paıyzyn belgileý usynylady. Halyqaralyq tájirıbeni eskere otyryp, ony jınalǵan syıaqy somasynyń 30 paıyzynan aspaıtyn mólsherinde belgileý usynylyp otyr.

Zań jobasy aldaǵy ýaqytta ótetin palatanyń jalpy otyrysyna shyǵarylady.