Qazaqstandyqtar shetel valıýtasyn satyp alýdy azaıtty
ASTANA. QazAqparat - 2017 jylǵy maýsymda halyqtyń aıyrbastaý pýnktterinde qolma-qol AQSh dollaryn netto-satyp alý kólemi ótken aımen salystyrǵanda 9,8%-ǵa tómendep, 316,0 mln AQSh dollaryn qurady, dep habarlaıdy QR Ulttyq bankiniń baspasóz qyzmeti.
«Halyqtyń qolma-qol AQSh dollaryn netto-satyp alýynyń bul kólemi qolma-qol AQSh dollaryn netto-satý baıqalǵan 2016 jyldy qospaǵanda, sońǵy 11 jyldaǵy (2005 - 2015 jyldar aralyǵyndaǵy kezeńde maýsymda netto-satyp alýdyń ortasha deńgeıi - 771,6 mln. AQSh dollary) eń tómen kólem bolyp tabylady», - delingen habarlamada.
Sonymen qatar, maýsymda mamyrmen salystyrǵanda halyqtyń qolma-qol AQSh dollaryn satyp alýynyń bir mezgilde tómendeýi (1,9%-ǵa) jáne olardy halyqtyń jalpy satýynyń ósýi (4,0%-ǵa) baıqaldy.
Jyldyń basynan beri halyqtyń qolma-qol AQSh dollaryn netto-satyp alý kólemi 1444,6 mln. AQSh dollaryn (2016 jylǵy qańtar-maýsymda netto-satý 759,8 mln. AQSh dollaryn qurady) qurady.
