Qazaqstandyqtar shet elderde emdelýge jylyna shamamen 280 mln dollar jumsaıdy
ALMATY. QazAqparat - Qazaqstandyqtardyń arasynda halyqaralyq medıtsınalyq týrızmge degen suranys jyldan jylǵa artyp keledi. Shet elderge baryp emdelýge qazaqstandyqtar jylyna shamamen 280 mln dollar jumsaıdy. Bul úrdis 2015 jyly da saqtaldy. Bıyl da saqtalýda. Bul týraly búgin Almatyda «Qazaqstannyń medıtsına týrızmi naryǵy. Mańyzdy baǵyttar men suranysqa ıe medıtsınalyq qyzmetter» taqyrybynda ótken baspasóz máslıhaty barysynda halyqaralyq «Sedjon Eýrazııa» medıtsınalyq ortalyǵynyń ókili Aınur Jolamanova málimdedi.
«Qazirgi tańda qazaqstandyqtar ásirese kardıohırýrgııa, neırohırýrgııa, onkologııa, ortopedııa, ekstrakorporaldy uryqtandyrý, organdar men tinderdi aýystyryp salý salalary boıynsha negizinen Germanııa, Izraıl, Ońtústik Koreıa, Sıngapýr jáne Túrkııa elderine baryp emdelgendi jón sanaıdy. et elderge baryp emdelýge qazaqstandyqtar jylyna shamamen 280 mln. dollar jumsaıdy. Bul úrdis 2015 jyly da saqtaldy. Bıyl da saqtalýda», - dedi A. Jolamanova.
Sonymen qatar, onyń aıtýynsha, 2017 jylǵa qaraı, Global Spa & Wellness Sammit uıymynyń dereginshe, medıtsınalyq týrızm naryǵy Ońtústik Shyǵys Azııa elderine qaraı oıysady.
«2017 jylǵa qaraı halyqaralyq medıtsınalyq týrızm naryǵynyń 50 paıyzy, ıaǵnı teń jartysy Ońtústik Shyǵys Azııa elderine qaraı oıysady. Bul jerde Ońtústik-Shyǵys Azııa elderiniń ishinde Ońtústik Koreıa kósh basynda bolady. Óıtkeni, Ońtústik Koreıada densaýlyq saqtaý salasy eń joǵary álemdik standarttarǵa jýaap beredi. Soǵan qaramaı ol qol jetimdi. Jylyna Ońtústik Koreıaǵa medıtsınalyq vızamen shamamen 120 myń shet eldik azamat barady», - dedi A. Jolamanova.
