Qazaqstandyqtar saılaýda júrek qalaýymen daýys berýde - Latvııa baqylaýshysy
ASTANA. QazAqparat - Qazaqstandyqtar prezıdenttik saılaýda bireýdiń ótinishi boıynsha emes, óz qalaýlarymen daýys berýde, dep sanaıdy Latvııadan kelgen halyqaralyq sarapshy, polıtolog Aleksandr Vıdıakın.
«Saılaýǵa daıyndyq deńgeıi óte joǵary dárejede uıymdastyrylǵan. Teledıdarda, ınternet-saıttarda barlyq kandıdattardyń pikirleri keńinen berilýde», dep málimdedi ol.
Onyń pikirinshe, Qazaqstandaǵy saılaý óte joǵary deńgeıde ótýde. «Tyńǵylyqty daıyndyqpen josparlanǵan jumystyń nátıjesi birden baıqalady. Halyq saılaý ótkizý úrdisin tıisti deńgeıde meńgergen. Saılaý ýchaskelerinde halyqpen tildesip úlgerdik, olar saılaýǵa asa jaýapkershilikpen qaraıtyndyqtaryn, Qazaqstannyń turaqtylyǵy men ekonomıkalyq damýy úshin - bireýdiń ótinishimen emes, óz júrek qalaýymen daýys berip jatqandyqtaryn jetkizdi», - dep túsindirdi Latvııadan kelgen baqylaýshy.
