Qazaqstandyqtar saıası qyzmetshilerge qanshalyqty senedi - Jibek Joly
«Bolyp jatqan barlyq protsesterdi memlekettik basqarý júıesin qaıta jańartý deýge bolady. Bul, ásirese sońǵy úsh jylda sezile bastady. Mysal retinde Prezıdenttiń 2019 jylǵy Joldaýyn alaıyq. Birinshi Joldaýynda ol memlekettik organdarǵa azamattyq qoǵamnyń áleýetin barynsha paıdalaný qajettigin tapsyrdy. Al osy jyldyń naýryz aıynda Prezıdent Qazaqstan halqyna kezekti Joldaýyn jarııalady. Sáýir aıynda prezıdenttiń bıýrokratızatsııa týraly Jarlyǵy qabyldandy. Onyń maqsaty - qujat aınalymyn qysqartý. ıAǵnı, apparat qazir is júzinde bıýrokratııalyq sıpatqa ıe bolyp otyr. Bıýrokratızatsııadan arylý - memlekettik qyzmetshilerdiń adamdarmen tikeleı jumys isteýine yqpal etpek», - dep atap ótti Qazaqstannyń Azamattyq Alıansynyń prezıdenti.
Onyń aıtýynsha, búkil álemde halyqtyń bılikke degen senimi tómendep barady.
«Bıylǵy Joldaý - bul Prezıdenttiń memlekettik organdarǵa úndeýi ǵana emes. Bul - naqty tapsyrmalar, sharalar jıyntyǵy. Óıtkeni, meniń oıymsha, memlekettik apparat áli júıeli iske kóshe almaı jatyr. Joǵary bilimdi, naqty jumys isteıtin memlekettik qyzmetshiler óte kóp, alaıda qalyptasqan júıe olarǵa jumys isteýge múmkindik bermeıdi. Búkil álemde halyqtyń bılikke degen senimi tómendep barady. Bılik pen halyq arasyndaǵy kelispeýshilikter kúsheıe túsýde. Qazir halyqtyń quqyqtyq sanasy ósti. Adam ózgerdi, qoǵam ózgerdi. Memleket basshysynyń halyqaralyq deńgeıde úlken tájirıbesi bar, ol azamattyq qoǵamǵa jaqyn. Meniń oıymsha, eger bılik pen halyq arasynda qarama - qaıshylyq bolsa, eshqandaı reforma bolmaıdy», - dedi Baný Nurǵazıeva.
Sondaı-aq, ol qazaqstandyqtardyń saıası qyzmetshilerge qanshalyqty senim artatynyna toqtaldy. Baný Nurǵazıevanyń dereginshe, azamattardyń sheneýnikterge degen senim deńgeıi ortashadan tómen. Bul oraıda, Memleket basshysyna degen senim deńgeıi áldeqaıda joǵary.
Vıdeodan alynǵan kadr
