Qazaqstandyqtar satyp alatyn qymbat kólikterdiń reıtıngi
Qazaqstannyń avtomobıl salasy kásioryndary odaǵynyń málimetinshe, satyp alynǵan jeńil kóliktiń ortasha quny 8,88 mln teńgeni qurady jáne ótken jyldyń dál osyndaı kezeńimen salystyrǵanda 5,6 paıyzǵa qymbattady. Bul rette, Qazaqstanda qurastyrylǵan avtomobılder segmentinde bul tsıfr ortasha naryqtyq mánnen aıtarlyqtaı tómen boldy jáne 6,6 mln teńgeni qurady. Shetelden jetkizilgen kólikterdiń ortasha baǵasy 10,9 mln teńge mólsherinde belgilendi.
Satyp alýshylar 5 mln teńgeden qymbat emes kólikterdi tańdaǵan. Osydan bir jyl buryn bul segment naryqtyń 37 paıyzyn quraǵan edi. Quny 5 mıllıonnan 7 mıllıon teńgege deıingi 9 834 avtomobıl satyldy. Al baǵasy 7-10 mıllıon teńge aralyǵyndaǵy kólikterdi 7 215 qazaqstandyq satyp alǵan.
Bıznes (10-15 mln teńge) jáne premıým-sanat (15 mln teńgeden joǵary) segmentinde 13 406 jáne tıisinshe 5 211 avtomashına satylǵan.
Qoljetimdi kólikterdiń úzdik ondyǵynyń basym bóligin qazaqstandyq avtomobıl qurastyrýshylardyń ónimderi alyp otyr. Aıtalyq, Óskemende qurastyrylǵan, quny 3,1 mln teńgeden bastalatyn Lada Granta kóligi qazaqstandyqtar úshin barynsha qoljetimdi bolyp tur. Munan bólek, qoljetimdi kólikterdiń úzdik ondyǵyna mynalar kiredi: Chevrolet Niva (3,4 mln teńge), Ravon Nexia (3,5 mln), Lada 4x4 (3,6 mln), Ravon R4 (4,1 mln), Renault Logan (4,1 mln), Renault Sandero (4,1 mln), KIA Picanto (4,8 mln), Renault Duster (4,9 mln) jáne JAC S3 (4,9 mln).
Al eń qymbat temir tulparlardyń reıtıngi tómendegideı túzilgen: Mercedes-Benz G-klass (63,1 mln teńge), Porsche Panamera (48,9 mln), Jaguar I-Pace (46 mln), BMW 7 serııa (45,3 mln) jáne Porsche Cayenne (43,2 mln).
