Qazaqstandyqtar sapasyz jol týraly anonımdi shaǵym túsire alady
Bul jaıynda «Ádildik joly» respýblıkalyq qoǵamdyq birlestiginiń atqarýshy dırektory Dıdar Smaǵulov málim etti.
«QR Prezıdentiniń sybaılas jemqorlyqpen kúres bastamalaryn júzege asyryp, qoǵamnyń belsendiligin arttyrý maqsatynda salalyq agenttikpen birge «Ádildikti talap et» atty respbýlıkalyq aktsııa bastadyq. Biz azamattardy, búkil saıası kúshterdi, qoǵamdyq birlestikterdi aktsııaǵabelsendi túrde qosylýǵa jáne joldardyńjaǵdaıyn birge jaqsartýǵa shaqyramyz», - dedi agenttiktiń qoǵamdyq keńes múshesi.
Onyń aıtýynsha, birlestiktiń resmı saıtyndaǵy málimetterdi paıdalanyp ár azamat óz betimen joldyń sapasyn teksere alady.
«Biraq bul jerde qaýipsizdik erejelerin umytpaý kerektigin eskertemin. Qajet bolsa, saıttaǵy arnaıy baılanys derekteri arqyly mamandarǵa habarlasyp, birge monıtorıng jasaýǵa bolady. Adildik.kz saıtyna nemes «1463» call-ortalyǵyna habarlasýǵa bolady. Adildik.kz saıtyna sapasyz, shuryq-tesik joldyń fotosy men vıdeosyn jiberýge bolady. Tipti aty-jónińizdi aıtpaı, qupııa túrde de shaǵym túsire alasyz. Eń bastysy, aqaýy bar joldyń naqty ornyn jazyp, foto nemese vıdeo aıǵaq salý qajet. Sol foto, vıdeo arqyly monıtorıng ashyp, tekserý júrgizemiz. Kerek bolsa, táýelsiz zerthana arqyly tıisti zertteý jasap, naqty daıyn aqparatty antıkor men ákimdikterge joldaımyz», - dedi Dıdar Smaǵulov.