Qazaqstandyqtar Reseıdegi boks týrnırinen 16 medal oljalady
ASTANA. QazAqparat - Chelıabınskide jyl saıynǵy áıelder arasyndaǵy bokstan halyqaralyq týrnır aıaqtaldy. Jarysqa 108 qyz qatysty, olardyń 62-si Qazaqstan sportshylary.
Qalǵandary Ózbekstan men Reseı Federatsııasy óńirleriniń: Daǵystan, Hakasııa, Altaı ólkesi, Krasnoıarsk ólkesi, Kırov oblysy jáne Oral federaldy okrýginiń ókilderi, dep habarlady Qazaqstan boks federatsııasynyń baspasóz qyzmetinen.
Týrnır qorytyndysy boıynsha qazaqstandyqtar 7 altyn, 6 kúmis jáne 3 qola medalǵa ıe boldy. Óz salmaq dárejesinde birinshi oryn alǵandar: Angelına Lýkas (51 kg), Aıda Tuıaqbaı (54 kg), Aqerke Naýryzbaeva (57 kg), Rımma Volosenko (60 kg), Álııa Ábdiraıymova (64 kg), Zarına Tsoloeva (69 kg) jáne Móldir Bazarbaeva (81 kg joǵary).
Kúmis júldege Alýa Balqybekova (48 kg), Áıgerim Qasenaeva (51 kg), Áıgerim Oshaqbaı (54 kg), Karına Ibragımova (60 kg), Mádına Nurshaeva (64 kg) jáne Ekaterına Bratýhına (69 kg) qol jetkizdi.
Qola júldeni Sevara Tájiqulova (51 kg), Aıaýlym Boranbaeva (54 kg) jáne Aıda Satybaldınova (64 kg) aldy.
