Qazaqstandyqtar psıhoterapııalyq kómekti onlaın ala alady
NUR-SULTAN. QazAqparat – Respýblıkalyq psıhıkalyq densaýlyq ǵylymı-praktıkalyq ortalyǵy ıÝNISEF balalar qorymen birlesip, koronavırýs pandemııasy kezinde halyqtyń barlyq tobyna psıhologııalyq jáne psıhoterapııalyq qashyqtan kómek kórsetý úshin saıt qurdy, dep habarlaıdy QazAqparat Elorda Aqparat-qa silteme jasap.
Saıt eki úlken bólimnen turady. Birinshisi – bilim berý bólimi, munda siz psıhıkalyq densaýlyq týraly jáne pandemııa kezindegi kúızelisti qalaı eńserýge bolatynyn bile alasyz. Búgingi kúni 40 myńnan astam adam osy saıtqa kirip, 100 myńnan astam tıisti sessııa ótkizdi.
«Ekinshisi – tikeleı jeke kómek. Ol eki bólimnen turady. Siz ózińizdi qyzyqtyratyn suraqtardy jibere alasyz jáne jazbasha túrde jaýap alasyz, sonymen qatar onlaın keńes bar. Búgingi kúni onlaın konsýltatsııany 350-den astam adam paıdalandy. Siz saıttyń ózi arqyly jazyla alasyz, telefon nómirińizdi qaldyra alasyz, anyqtama qyzmeti, baılanys ortalyǵy jáne elektrondyq poshta mekenjaıy boıynsha keńes alýǵa bolady, ol qupııa bolyp qalady», - dedi QR DSM «Respýblıkalyq psıhıkalyq densaýlyq ǵylymı-praktıkalyq ortalyǵynyń» ShJQ RMK bas dırektory Nıkolaı Negaı.
