Qazaqstandyqtar psıhıatrdyń kómegine onlaın júginýge bolady

ALMATY. QazAqpart- Psıhıatr mamandar 250 myńnan astam adamǵa onlaın kómek kórsetti. Bul týraly brıfıng barysynda Densaýlyq saqtaý mınıstrliginiń Respýblıkalyq psıhıkalyq densaýlyq ǵylymı-praktıkalyq ortalyǵy bas dırektorynyń mindetin atqarýshy Qýanysh Altynbekov málim etti, dep habarlaıdy QazAqparat tilshisi.

Onyń aıtýynsha, pandemııanyń saldarynan medıtsınalyq uıymdardyń jumysy ózgerip, naýqastarǵa kómek kórsetý tásili onlaın rejımge beıimdelgen.

2020 jyldyń tórtinshi sáýirinen bastap BUU Balalar qorynyń (ıÝNISEF) qoldaýymen DSM Respýblıkalyq psıhıkalyq densaýlyq ǵylymı-praktıkalyq ortalyǵynyń uıymdastyrýymen onlinehealth.kz ınternet platformasy iske qosyldy.

«Onda onlaın rejımde konsýltatsııalar beriledi, jazbasha suraqtarǵa jaýap alý múmkindigi bar, ózine kómek kórsetý boıynsha aqparat qamtylǵan, sondaı-aq psıhıkalyq densaýlyq mamandaryna, onyń ishinde mektep psıhologtaryna qıyn jaǵdaıda kómek kórsetý úshin resýrstar qarastyrylǵan. Platforma iske qosylǵaly 80 myńnan astam paıdalanýshy saıtqa kirip, qyzmetimen tanysty, 250 myńnan astam kómek aldy, 400-ge jýyq tolyqqandy onlaın konsýltatsııa ótkizilip, usynystar berildi. Sondaı-aq 200-den asa jazbasha ótinish qaraldy», - deıdi Qýanysh Altynbekov.