Qazaqstandyqtar Prezıdent Ákimshiligine qandaı máselelermen keledi
NUR-SULTAN. QazAqparat – Prezıdent Ákimshiliginiń Qoǵamdyq qabyldaýy kezekti azamattardy qabyldaý kúnin ótkizdi. Jumysshy top 71 adamdy qabyldady, dep habarlaıdy «QazAqparat» HAA tilshisi.
«Óńirler boıynsha qaralǵan ótinishterdiń sany jóninen Nur-Sultan alda kele jatyr. Elordadan 36 ótinish kelgen. Almaty qalasynan 9 ótinishten, al qalǵan oblystardan 1-3 ótinishten túsken» delingen Qoǵamdyq qabyldaýdyń Telegram kanalynda.
Belgili bolǵandaı, adamdar kóbinese jergilikti atqarýshy organdardyń (27), sot qyzmetiniń (16), quqyq qorǵaý organdarynyń jáne Eńbek mınıstrliginiń (7-den), sondaı-aq, Ulttyq banktiń, Densaýlyq saqtaý jáne ádilet mınıstrlikteriniń (7-den) jumystaryna qatysty suraqtar boıynsha júgingen.
«Sondaı-aq, Aqtóbe, Almaty, Batys Qazaqstan oblystary men Almaty qalasy ákimdikteriniń ókilderimen selektrlik baılanys ornatyldy. Úndeýlerdiń basym kópshiligi Prezıdent Ákimshiliginiń qatań baqylaýyna alyndy», - dep málim etti Qoǵamdyq qabyldaý.
Avtor: Aqbota Kúzekbaı
