Qazaqstandyqtar poıyz bıletterin jappaı ótkizip jatyr
NUR-SULTAN. QazAqparat – «Jolaýshylar tasymaly» AQ Marketıng jáne satý departamentiniń dırektory Almas Aıtbaev qolma-qol aqshanyń jetpeýinen bılet aqshasyn qaıtarý protsesine túsinistikpen qaraýdy surady, dep habarlaıdy QazAqparat.
«16 naýryzdan bastap ýaqytsha tótenshe jaǵdaıdyń engizilýine baılanysty, jolaýshylar poıyzdaryna, onyń ishinde sheteldikterdiń respýblıkaǵa aýmaǵyna kirýine jáne dıplomatııalyq qyzmet personaly men lokomotıv brıgadalary syndy jekelegen toptan ózge turǵyndardyń elden shyǵýyna shekteý qoıyldy. Bul jaǵdaıda kompanııa 9 memleketaralyq poıyzdy toqtatyp, 7 poıyzda Qazaqstan shekarasy mańyndaǵy baǵyttar qysqardy, kórshiles temirjol ákimshilikterimen 23 poıyz toqtatyldy», - dedi A. Aıtbaev tilshilerge bergen suhbatynda.
Toqtatylǵan poıyzdar týraly tolyq aqparatty QTJ korporatıvtik saıtynan alýǵa bolady.
«Sonymen birge, kompanııa óz klıentterine kómektesý maqsatynda, aldyn ala berilgen memleketaralyq bıletterdegi aqshany qaıtarý týraly sheshim qabyldady. Memleketaralyq poıyzdardyń toqtatylýyna baılanysty, bizdiń kassalarymyzǵa óte kóp bılet qaıtarylyp jatyr. Mundaı jaǵdaıda bılet kassalarynda qosymsha qarajat qarastyrylǵan, belgili bir kassalarda qolma-qol aqsha jetkiliksizdigin qospaǵanda, qarajat jolaýshylarǵa dereý qaıtarylýda. Mundaı jaǵdaılarda, bılettiń kúshi joıylady jáne jolaýshy kez kelgen ózine yńǵaıly ýaqytta aqshasyn alyp kete alady. Bılet kassalaryndaǵy aýqymdy júkteme úshin jolaýshylarymyzdan jaǵdaıda bılet qaıtarý protsesinde túsinistik pen shydamdylyq tanytýyn suraımyz», - dedi Almas Aıtbaev.
foto: 24.kz