Qazaqstandyqtar pedofıldi urǵan serjantty qoldaǵan flesh-mobty bastap ketti
ALMATY. QazAqparat - Áleýmettik jelide pedofıldi urǵan Sátbaev qalasy ІІB qyzmetkerin qoldaý týraly fleshmob bastaldy, dep habarlaıdy QazAqparat tilshisi.
Sát saıyn Instagram men Feısbýk qoldanýshylarynyń arasynda #Serjantprav heshtegin taratýshylar sany artyp keledi. Aktsııaǵa Qazaqstannyń túkpir-túkpirinen ún qatyp jatyr.
Adamdar serjantty jumysyna qaıta qabyldap, qylmystyq isti jabýdy talap etip jatyr.
«#serjantprav men onyń áreketin qoldamaımyn, biraq, jaza tym qatal. Men serjanttyń ornynda bolsa, óltiretin edim», - dedi Nargız Tokbergenova
«#serjantprav Qashan elimizde zorlyq kórgenderdi qorǵap, pedofılderdi atý jazasyna kesedi eken?», - deıdi Dına Kaıyrǵalıeva.
«#serjantpravSerjant adam sııaqty áreket etti», - dedi Zhami Lya
(avtorlardyń orfografııalary saqtalǵan)
Aktsııaǵa qatysýshylar jınalyp qazanda ótetin sot otyrysynda qoldaý kórsetpekshi.
Aıta ketý kerek, 23 shilde kúni 40 jastaǵy Sátbaev turǵyny 5 jastaǵy qyzynyń joǵalyp ketkeni týraly habarlaǵan bolatyn.
Sol kúni polıtsııa qyzmetkerleri 50 jastaǵy jergilikti turǵyndy ustady.
5 jastaǵy búldirshin onyń jatyn bólmesinen tabyldy.
Suraý barysynda er adam qyzdy aldap ákelip zorlaǵanyn moıyndady.
Tergeýshi shyǵyp ketken sátte jasaýyldardyń biri kúdiktini urǵan.
Qaraǵandy oblystyq ІІD basshylyǵy polıtsııa serjantyn laýazymyn asyra paıdalanǵany úshin jumystan qýý týraly sheshim shyǵardy.
Endi oǵan qatysty QR QK 362 baby boıynsha qylmystyq is qozǵaldy.
Al, istiń nasyrǵa shabatynyn ańǵarmaı qalǵan tergeýshi atalǵan isten shettetildi.
Departament basshysynyń bul sheshimi qazaqstandyqtardyń arasynda daý týǵyzdy.
