Qazaqstandyqtar páterin zańdy túrde jalǵa berip otyr ma
«Salyq organdary páterdi jalǵa berýshilerdi teksere almaıdy, óıtkeni moratorıı bar. Degenmen atalǵan jaıtty ishki ister mınıstrligimen birlesip baqylap otyrmyz. Atalǵan vedomstvo bizge elge kelgen shetel azamattary týraly málimetti usynady. Búginde turǵyn úıdi jalǵa beretin 5 109 jyljymaıtyn múlik ıesi anyqtaldy. Onyń ishinde 2317 menshik ıesi páterin shetel azamattaryna jalǵa berip otyr. Páterdi jalǵa berý boıynsha 4457 menshik ıesine baqylaý ornatylǵan. Onyń 1410-y salyq tóleıdi, 1331 menshik ıesi páterin týystary men dostaryna jalǵa bergen. Sonymen qatar 1716 páterin jalǵa berýshi azamat salyq organdarynda tirkelmegen», - dedi Danııar Janálinov ortalyq kommýnıkatsııalar qyzmeti alańynda ótken baspasóz máslıhatynda.
Buǵan deıin komıtet basshysy 39 myń memlekettik qyzmetshiniń kiris pen jeke múlik týraly deklaratsııany tapsyrmaǵanyn aıtqan edi.
