Qazaqstandyqtar Parıjdegi lańkestik áreketten qaza tapqandardyń qaıǵylaryna ortaqtasýda

Qazaqstandyqtar áleýmettik jelide Parıjdegi qaıǵyly oqıǵaǵa ortaqtasyp, kóńil aıtyp jatyr. Elimizdiń belgili azamattary men óner juldyzdary ózderiniń Instagramm paraqshalaryna qara jamylǵan Eıfel munarasynyń sýretin qoıyp, ózderin qaıǵyǵa ortaq ekendikterin bildirýde.

Belgili ǵalym, jýrnalıst Qýandyq Shamahaıuly: «Parıj turǵyndaryna obal boldy. Islam atyn jamylǵan lańkesterdiń aıýandyq áreketteriniń saldarynan beıbit azamattar ajal qushty.Saqtyq kerek!» - dep óziniń Feısbýktegi paraqshasynda jarııalady.

Jýrnalıst Áýesbaıdyń Qanaty da :«Parıjdegi lańkestik saldarynan qaza bolǵandardyń barlyq týǵan-týystaryna, jaqyn-jýyqtaryna qaıǵyryp, kóńil aıtamyn.

Keshe keshkisin olardyń biri kóńil saýyqtyryp, rýhanı lázzat almaqqa, súıikti akteryn kórmekke teatrǵa kelgen bolar. Keıbiri súıikti komandasyna bolyspaqqa stadıonǵa at basyn burǵan bolar. Keıbiri jaı ǵana Parıjdiń romantıkalyq keshinde qolyna bir shoq gúlin ýystap, súıiktisin qýantpaqqa asyqqan bolar.

Biraq...Terrorızm álemdik saıası ıntrıgalardan beıhabar, esh jazyǵy joq qarasha halyqtyń súıispenshilikteriniń áp sátte jolyn kesip ketti. Qarapaıym jurt kúızeliste, al dál osy saıası saıqal spektakldiń avtorlary qazir kelesi qadamdaryn oılap, qoldan jasalǵan "lańkesterge toıtarys beremizdiń" qamynda júr.

Biraq...Qan-jyny shyqqan Sırııa, uńǵysynan tútini seıilmegen Aýǵanstan, Iraktarda, qanshama qarasha halyq qaza boldy?! Naqty qısaby da joq shyǵar. Olardyń suraýy kimnen? Sherhan atamsha támsildesek, bir kem dúnıe áıteýir», - dep jazǵan áleýmettik jelidegi paraqshasyna .

Qaıǵyly oqıǵa aqyndardyń da nazarynan tys qalmaǵan. Oǵan belgili aqyn Erlan Júnistiń myna bir óleń joldary dálel bola alady:

Lývr jabyldy.

Izıda únsiz. Venera muńdy. Parıjde gotıkalyq məner. Elitersiń kimdi, Oq dəri ıisi ətirden kúshtirek, Shanel!?.

Elıseı alqabyn Bodler gúlderi japty - Zulymdyq gúlderi... Eıfel ottaryn jaqty - Djokonda kúlmedi.

Jabylsa - jańǵaq, Apelsın sekildi ashylǵan terezeń, O, kúzde nelikten óleńder tońǵaq, Nelikten kebedi kenezeń?!.

Men halqym sekildi tup-tunyq aspandy súıem, Adamdar nelikten aspanǵa senbeıdi? ...Qaıǵyńa ortaqpyn, Gııom, Parıjde óleńder ólmeıdi!

Aqyndar ólse de...