Qazaqstandyqtar parapaýerlıftıngten álem kýbogynda 32 medal jeńip aldy

TBILISI. QazAqparat - Tbılısı qalasynda parapaýerlıftıngten álem kýbogy márege jetti. Jarysqa 20 memleketten 94 sportshy qatysty, dep habarlaıdy QazAqparat.

Mádenıet jáne sport mınıstrliginen málim etkendeı, Qazaqstan quramasy jarysta 32 medal enshiledi – 11 altyn, 12 kúmis jáne 9 qola.

Atap aıtqanda:

1. Aıdarqyzy Áıgerim 41 kelige deıingi salmaqta óner kórsetti. Jasóspirimder arasynda 1-oryn jáne úsh tásildiń qosyndy nátıjesi boıynsha jasóspirimder arasynda 1-oryndy aldy. Sondaı-aq kóterilgen salmaqtyń eń úzdik nátıjesi boıynsha eresekter arasynda 2-oryn jáne úsh tásildiń qosyndysy boıynsha 2-oryn ıelendi.

2. Solodýhına Alına 45 kelige deıingi salmaqta óner kórsetti. Kóterilgen eń úzdik salmaq boıynsha eresekter arasynda 2-oryn jáne áıelderdiń komandalyq jarysynda 3-oryn aldy.

3. Toljan Farıza 55 kelige deıingi salmaqta óner kórsetti. Kóterilgen eń úzdik salmaq boıynsha eresekter arasynda 3-oryn, úsh tásildiń nátıjesi boıynsha 2-oryn jeńip aldy.

4. Berimqulova Aıjan 50 kelige deıingi salmaqta óner kórsetti. Kóterilgen eń úzdik salmaq boıynsha eresekter arasynda 2-orynǵa, úsh tásil nátıjesi boıynsha 1-orynǵa, aralas komandalyq jarysta 3-orynǵa ornalasty.

5. Qurmanbaeva Gúlim – 45 kelige deıingi salmaqta áıelderdiń komandalyq jarysynda 3-orynǵa taban tiredi.

6. Qoıshybaeva Raýshan – 67 kelige deıingi salmaq. Kóterilgen eń úzdik salmaq boıynsha eresekter arasynda 2-oryn, ardagerler arasynda 1-oryn jáne úsh tásil nátıjesi boıynsha 1-oryn ıelendi. Al áıelderdiń komandalyq jarysynda 3-oryn buıyrdy.

7. Mahanbetova Móldir 79 kelige deıingi salmaqta óner kórsetti. Kóterilgen eń úzdik nátıje boıynsha eresekter arasynda 3-orynǵa jáne úsh tásildiń nátıjesi boıynsha 3-orynǵa jaıǵasty.

8. Káribaı Erbolat 49 kelige deıingi salmaqta úsh tásil nátıjesi boıynsha eresekter arasynda 3-orynǵa jáne aralas komandalyq jarysta 3-orynǵa ıe boldy.

9. Baqqoja Jaqsylyq 80 kelige deıingi salmaqta jarys jolyna shyqty. Úsh tásildiń qorytyndysy boıynsha eresekter arasynda 3-orynǵa jáne aralas komandalyq jarysta 3-orynǵa ornalasty.

10. Hamaev Rahmetjan – 88 kelige deıingi salmaq. Kóterilgen eń úzdik salmaq boıynsha eresekter arasynda 1-oryn jáne úsh tásil nátıjesi boıynsha 1-oryn ıelendi.

11. Baýtov Ádiljan 97 kelige deıingi salmaqta eresekter arasynda 2-oryn jáne úsh tásil qorytyndysy boıynsha 1-oryn aldy.

12. 45 kelige deıingi Boıko Snejanna kóterilgen eń úzdik salmaq boıynsha jasóspirimder arasynda 1-oryn jáne úsh tásil nátıjesinde 1-oryn jeńip aldy. Sondaı-aq eresekter arasynda úsh tásil nátıjesi boıynsha 2- orynǵa ıe boldy.

13. Áshir Zarına 50 kelige deıingi salmaqta óner kórsetti. Kóterilgen eń úzdik salmaq boıynsha jasóspirimder arasynda 2-shi oryn jáne úsh tásil nátıjesi boıynsha 1-oryn jeńip alsa, eresekter arasynda úsh tásil qorytyndysymen 2-orynǵa ıe boldy.