Qazaqstandyqtar óz qajettiligi úshin ózge elderden dári-dármek alyp kele ala ma

NUR-SULTAN. QazAqparat - Qazaqstandyqtar óz qajettiligi úshin kórshi elderden dári-dármekti esh kedergisiz alyp kele alady. Bul týraly Ortalyq kommýnıkatsııalar qyzmetindegi brfıng barysynda QR Densaýlyq saqtaý vıtse-mınıstri Lıýdmıla Bıýrabekova aıtty, dep habarlaıdy QazAqparat tilshisi.

Vıtse-mınıstrdiń atap ótýinshe, Reseı Federatsııasymen shekaralas jatqan aýmaqta turatyn qazaqstanyqtar bul elden ózi jáne jaqyn týǵan-týystary úshin tıisti qujattary bolǵan kezde dári-dármekti alyp kele alady. Óıtkeni, búgingi kúni zańnamada ózine qajetti dárilik zattardy tasymaldaýǵa shekteý qarastyrylmaǵan.

«ıAǵnı, atalǵan dárilik zat kýrstyq doza bolsa nemese jaqyn týǵan-týysqa arnalsa, onda tıisti qujattaryn usynǵan jaǵdaıda tasymaldaýǵa eshqandaı shekteý joq», - dedi Lıýdmıla Bıýrabekova.