Qazaqstandyqtar óz eliniń bolashaǵyna nemquraıly qaramaıdy - Ǵ. Esim
ASTANA. QazAqparat - Qazaqstandyqtar óz eliniń bolashaǵyna nemquraıly qaramaıdy. Bul týraly QazAqparat tilshisine Astanadaǵy №89 saılaý ýchaskesinde suhbat bergen akademık, jazýshy Ǵarıfolla Esim málimdedi.
«Búgin men birneshe saılaý ýchaskesine baryp qaıttym. Meni tańqaldyrǵany, saılaýshylardyń sany óte kóp. Osy ýchaskede uzyn-sonar kezek, halyq memleketti basqarýǵa qatysqysy keledi. Bul olar óz eliniń erteńine nemquraıly qaramaıtynyn bildiredi. Búgin mıllıondaǵan qazaqstandyqtar durys tańdaýyn jasady dep oılaımyn. Men otbasymmen birge óz tańdaýymdy jasadym», - dep atap ótti Ǵ. Esim.
